ന്യൂഡല്‍ഹി: 178 ഉല്‍പന്നങ്ങള്‍ക്ക് ജി.എസ്.ടി നിരക്കില്‍ ഇളവു വരുത്തിയതിന്റെ ക്രെഡിറ്റ് രാഹുല്‍ ഗാന്ധിക്കാണെന്ന് കോണ്‍ഗ്രസ്. ഗുജറാത്തിലെ തെരഞ്ഞെടുപ്പ് അടുത്ത സാഹചര്യത്തില്‍, ജി.എസ്.ടിയില്‍ കേന്ദ്ര സര്‍ക്കാരിന്റെ നടപടികളിലെ പ്രശ്‌നങ്ങള്‍ രാഹുല്‍ ഗാന്ധി ഉയര്‍ത്തിക്കാട്ടിയതാണ് സര്‍ക്കാരിനെ ഈ തീരുമാനത്തിലെത്തിച്ചത്.

അതേസമയം, ജി.എസ്.ടിയിലെ ഉയര്‍ന്ന സ്ലാബ് 18 ശതമാനമാക്കാന്‍ വേണ്ടി കോണ്‍ഗ്രസ് പോരാട്ടം തുടരുമെന്ന് രാഹുല്‍ ഗാന്ധി ഗുജറാത്തില്‍ പ്രഖ്യാപിച്ചു. ഭരിക്കുന്ന ബി.ജെ.പി അതു ചെയ്തില്ലെങ്കില്‍ 2019 ല്‍ കോണ്‍ഗ്രസ് അതു ചെയ്യുമെന്നും രാഹുല്‍ പറഞ്ഞു.

ജി.എസ്.ടി നിരക്കു കുറച്ചത് ഗുജറാത്ത് തെരഞ്ഞെടുപ്പ് അടുത്തതിനാലാണെന്ന് മുന്‍ ധനമന്ത്രി പി ചിദംബരം വിമര്‍ശിച്ചിരുന്നു. പാര്‍ലമെന്റിനും പൊതുജന വികാരത്തിനും ചെയ്യാനാവാത്തത് ഗുജറാത്തിനായെന്നും, ഗുജറാത്തിന് നന്ദി പറയുന്നുവെന്നും ചിദംബരം ട്വിറ്ററിലൂടെ ആക്ഷേപഹാസ്യമുന്നയിച്ചിരുന്നു.

rahul gandhi, gst, gujarath, slab 18 persent, bjp

ഏറ്റവും പുതിയ വാര്‍ത്തകള്‍ക്ക് ഞങ്ങളുടെ മൊബൈല്‍ ആപ്പ് ഡൗണ്‍ലോഡ് ചെയ്യൂ I Click Here
ഞങ്ങളുടെ ഫേസ്ബുക്ക് പേജിലെത്താന്‍ ഇവിടെ ക്ലിക്ക് ചെയ്യുക