കോഴിക്കോട്: നിയമസഭാ തെരഞ്ഞെടുപ്പുമായി ബന്ധപ്പെട്ട് മുന്നണികള്‍ക്കുള്ളില്‍ സീറ്റ് വിഭജന ചര്‍ച്ച സജീവമായിരിക്കേ ഇത്തവണ ആറ് സീറ്റ് അധികം വേണമെന്ന ആവശ്യവുമായി മുസ്‌ലിംലീഗ്. എന്നാല്‍ രണ്ടു സീറ്റ് അധികം നല്‍കാമെന്ന് കോണ്‍ഗ്രസ് നേതൃത്വം അറിയിച്ചു. ലീഗ് നേതാക്കളുമായി ചര്‍ച്ച നടത്താന്‍ കോണ്‍ഗ്രസ് നേതാക്കളായ ഉമ്മന്‍ചാണ്ടിയും ചെന്നിത്തലയും പണക്കാട് എത്തിയിരുന്നു.

അതേസമയം വിഷയത്തില്‍ ലീഗിനും കോണ്‍ഗ്രസിനും എതിരേ ആരോപണങ്ങളുമായി സി.പി.എമ്മും ബി.ജെ.പിയും രംഗത്തെത്തി. യു.ഡി.എഫിലെ രണ്ടാമത്തെ കക്ഷിയാണ് ലീഗ് എന്നത് പോലും പരിഗണിക്കാതെയാണ് സി.പി.എമ്മും ബി.ജെ.പിയും ലീഗിനെതിരേ രംഗത്തെത്തിയത്.