സിംഗപ്പൂര്‍: അമിത വേഗത മൂലമുണ്ടായ ഒരുപകടമാണ് സിംഗപൂരില്‍നിന്നു പുറത്തുവരുന്നത്. ഇതിന്റെ വ്യാപ്തി എത്രത്തോളം വലുതായിരിക്കും എന്നു പറയാനാകില്ല. ഒരു നിമിഷനേരത്തെ ആവേശം ചിലപ്പോള്‍ ഉണ്ടാക്കുന്നത് ജീവിതകാലം മുഴുവന്‍ നീണ്ടുനില്‍ക്കുന്ന ദുഃഖമായിരിക്കും.
അമിതവേഗത്തിലെത്തിയ ബിഎംഡബ്ല്യൂ കാറാണ് നിയന്ത്രണം വിട്ട് ഒരു ഭിത്തിയില്‍ ഇടിച്ചു തീപിടിച്ചത്. ഇടിയുടെ ആഘാതത്തില്‍ തെന്നി നീങ്ങിയ കാര്‍ ഇടിച്ച് സെക്കന്റുകള്‍ക്കുളളില്‍ തന്നെ തീപിടിക്കുകയായിരുന്നു. കാര്‍ ഇടിച്ചയാളുടെ പ്രതിശ്രുതവധു റോഡരികില്‍ നില്‍ക്കുന്നുണ്ടായിരുന്നു. അപകടത്തില്‍ പെട്ടവരെ രക്ഷിക്കാന്‍ യുവതി ഓടിയെത്തിയെങ്കിലും തീ അവരിലേക്കും പടര്‍ന്നു. അവര്‍ക്ക് 80 ശതമാനം പൊളളലേറ്റെന്നും വാഹനത്തിലുണ്ടായിരുന്ന 5 പേര്‍ അപകടത്തില്‍ മരിച്ചെന്നുമാണ് പ്രാദേശിക മാധ്യമങ്ങള്‍ റിപോര്‍ട്ട് ചെയ്യുന്നത്.