രാജ്‌കോട്ട്: ഗുജറാത്തിനെതിരായ രഞ്ജി ട്രോഫി എലൈറ്റ് ഗ്രൂപ്പ് ക്രിക്കറ്റ് മത്സരത്തില്‍ കേരളത്തിന് തകര്‍പ്പന്‍ വിജയം. ഗുജറാത്തിനെ എട്ടുവിക്കറ്റിന് തകര്‍ത്താണ് കേരളം വിജയം ആഘോഷിച്ചത്. സെഞ്ചുറി നേടി പുറത്താവാതെ നിന്ന ഓപ്പണര്‍ രോഹന്‍ കുന്നുമ്മലിന്റെ സ്ഥിരതയാര്‍ന്ന പ്രകടനമാണ് കേരളത്തിന് വിജയം സമ്മാനിച്ചത്.

ഗുജറാത്തിന്റെ 214 റണ്‍സ് വിജയലക്ഷ്യത്തിലേക്ക് നാലാം ദിനം രണ്ടാം ഇന്നിങ്‌സില്‍ ബാറ്റിങ് ആരംഭിച്ച കേരളം എട്ടുവിക്കറ്റ് നഷ്ടത്തില്‍ വിജയിച്ചു. രോഹന്‍ 87 പന്തുകളില്‍ നിന്ന് 12 ബൗണ്ടറിയുടെയും മൂന്ന് സിക്‌സിന്റെയും സഹായത്തോടെ 106 റണ്‍സെടുത്ത് പുറത്താവാതെ നിന്നു.

62 റണ്‍സെടുത്ത നായകന്‍ സച്ചിന്‍ ബേബിയും വിജയത്തിന് മുതല്‍കൂട്ടായി. നിര്‍ണായക പങ്കുവഹിച്ചു. ഈ വിജയത്തോടെ കേരളം എലൈറ്റ് ഗ്രൂപ്പ് എയില്‍ ഒന്നാം സ്ഥാനത്തെത്തി. രണ്ട് മത്സരങ്ങളില്‍ നിന്ന് 13 പോയിന്റാണ് കേരളത്തിനുള്ളത്.