തിരുവനന്തപുരം: ഉറപ്പാണ്, എല്‍.ഡി.എഫ് എന്ന ഇടതു മുന്നണി പ്രചാരണവാക്യവുമായി രംഗത്തുവന്നപ്പോള്‍ നാട് നന്നാകാന്‍ യു.ഡി.എഫ് എന്ന മുദ്രാവാക്യമുയര്‍ത്തി ഐക്യമുന്നണിയും സജീവമായി. തെരഞ്ഞെടുപ്പ് വാഗ്ദാനങ്ങള്‍ക്കൊപ്പം വാക്കുനല്‍കുന്നു യു.ഡി.എഫ് എന്നും പരസ്യത്തിലുണ്ട്. പ്രധാന മുദ്രാവാക്യം പ്രതിപക്ഷ നേതാവ് രമേശ് ചെന്നിത്തലയാണ് പ്രഖ്യാപിച്ചത്. ഐശ്വര്യ കേരളത്തിനായി വോട്ട് ചെയ്യാമെന്നതാണ് അഭ്യര്‍ഥനയെന്നും പ്രതിപക്ഷ നേതാവ് തിരുവനന്തപുരത്ത് പറഞ്ഞു.

സര്‍ക്കാരിന്റെ അഴിമതികള്‍ ഉള്‍പ്പടെ യു.ഡി.എഫ് പ്രചാരണ വിഷയമാക്കും. പി.ആര്‍.ഡി പരസ്യത്തിലെ പൊള്ളത്തരം പുറത്തുകൊണ്ട് വരും. ഐശ്വര്യകേരളം ലോകോത്തര കേരളം എന്ന പേരില്‍ പ്രകടനപത്രിക തയ്യാറാക്കി വരികയാണെന്നും ചെന്നിത്തല വ്യക്തമാക്കി.

'ഉറപ്പാണ് എല്‍ഡിഎഫ്' എന്നതാണ് പുതിയ ഇടതുമുന്നണിയുടെ പരസ്യവാചകം. ഉറപ്പാണ് വികസനം, ഉറപ്പാണ് ആരോഗ്യം, ഉറപ്പാണ് ജനക്ഷേമം എന്നിങ്ങനെയാണ് ഉപ തലക്കെട്ടുകള്‍. മുഖ്യമന്ത്രിയുടെ ചിത്രത്തോടെയാണ് പരസ്യ ബോര്‍ഡുകള്‍ തയാറാക്കിയിരിക്കുന്നത്.