കുമ്പള: കാന്തപുരം വിഭാഗം പണ്ഡിത സഭ ഉപാധ്യക്ഷന്‍ ഷിറിയ എം അലിക്കുഞ്ഞി
മുസ്‌ലിയാര് (86) നിര്യാതനായി. ഇന്ന് രാവിലെ ഷിറിയയിലെ സ്വവസതിയിലായിരുന്നു അന്ത്യം.

1935 മാര്‍ച്ച് നാലിന് കാസര്‍കോട് താലൂക്കിലെ ഷിറിയക്കടുത്ത് ഒളയം എന്ന പ്രദേശത്തായിരുന്നു ആലികുഞ്ഞി ഉസ്താദിന്റെ ജനനം. പിതാവ്: അബ്ദു റഹ്മാന്‍ ഹാജി. മാതാവ്: മര്‍യം. പരമ്പരാഗത (മുഅദ്ദിന്‍ ) മുക്രിമാരാണ് ഉസ്താദിന്റെ പിതൃകുടുംബം. സഹോദരങ്ങള്‍: കുഞ്ഞിപ്പ ഹാജി, അന്തിഞ്ഞി ഹാജി, ബീരാന്‍ ഹാജി, മുഹമ്മദ് അബൂബക്കര്‍ ഹാജി, മൂസ, ആഇഷ, ഹവ്വാഉമ്മ, അബ്ദുല്ല.ഭാര്യ: മര്‍യംഹജ്ജുമ്മ
മക്കള്‍:അബ്ദുറഹ്മാന്‍ നിസാമി, അബൂബക്കര്‍ എം, ത്വയ്യിബ്, ഹാഫിള് അന്‍വര്‍ അലി സഖാഫി, ആയിഷ, സൈനബ, കുബ്‌റ, റാബിഅഖബറടക്കം: ഇന്ന് ശനിയാഴ്ച 4 മണിക്ക് ഷിറിയയില്‍.

പഴയ കാലത്തെ ഓത്തുപള്ളിയിലാണ് പഠനരംഭം. മുട്ടം ജുമാമസ്ജിദില്‍ മുക്രിയായിരുന്ന മൂസ മുക്രിയാണ് പ്രഥമ ഗുരു. അഞ്ചാം ക്ലാസ് വരെ സ്‌കൂള്‍ പഠനം കന്നഡ മീഡിയത്തിലായിരുന്നു. മൂസ മുക്രി തന്നെയായിരുന്നു സ്‌കൂളിലെയും ഗുരുനാഥന്‍. ഒളയം മുഹ്‌യുദ്ദീന്‍ മുസ്ലിയാരില്‍ നിന്നാണ് ദര്‍സാരംഭം.