കണ്ണൂര്‍: കേരള മഹിളാസംഘത്തിന്റെ നേതൃത്വത്തില്‍ ആദ്യകാല വനിതാ പത്രപ്രവര്‍ത്തകയായ യശോദടീച്ചറുടെ ജന്മശതാബ്ദി ആഘോഷിക്കുന്നു. ഒരു വര്‍ഷം നീണ്ടു നില്‍ക്കുന്ന പരിപാടിയുടെ സംസ്ഥാനതല ഉദ്ഘാടനം നാളെ രാവിലെ 10ന് ചേംബര്‍ ഹാളില്‍ എന്‍.എഫ്.ഐ.ഡബ്ല്യു ദേശീയ ജനറല്‍ സെക്രട്ടറി ആനിരാജ നിര്‍വഹിക്കും. സംസ്ഥാന പ്രസിഡന്റ് കമലാ സദാനന്ദന്‍ അധ്യക്ഷയാകും. സി.പി.ഐ ദേശീയ സെക്രട്ടറിയേറ്റംഗം പന്ന്യന്‍ രവീന്ദ്രന്‍ മുഖ്യപ്രഭാഷണം നടത്തും. അഡ്വ. പി വസന്തം അനുസ്മരണ പ്രഭാഷണം നടത്തും. ബിജിമോള്‍ എം.എല്‍.എ, കോര്‍പറേഷന്‍ മേയര്‍ ഇ.പി ലത സംബന്ധിക്കും.
ഉച്ചയ്ക്ക് 12ന് സെമിനാര്‍ തമിഴ് എഴുത്തുകാരി രേവതി ഉദ്ഘാടനം ചെയ്യും. ആഘോഷപരിപാടികളുടെ ഭാഗമായി സംസ്ഥാനത്തുടനീളം സ്ത്രീ വിഷയ പഠനക്ലാസുകള്‍, ചര്‍ച്ചകള്‍, ക്യാംപുകള്‍, സെമിനാറുകള്‍, ജീവകാരുണ്യപ്രവര്‍ത്തനങ്ങള്‍ എന്നിവ സംഘടിപ്പിക്കും. വാര്‍ത്താസമ്മേളനത്തില്‍ മഹിളാസംഘം ജനറല്‍ സെക്രട്ടറി അഡ്വ.പി വസന്തം, എന്‍ ഉഷ, കെ.എം സപ്‌ന പങ്കെടുത്തു.