പ്ലസ് ടു യോഗ്യതയുണ്ടോ? ഫയര്‍ ഫോഴ്‌സില്‍ ജോലി നേടാം

കേരള ഫയര്‍ ഫോഴ്‌സിലേക്ക് നേരിട്ടുള്ള റിക്രൂട്ട്‌മെന്റ് വഴി നിങ്ങള്‍ക്കും ജോലി നേടാം. ഫയര്‍ ആന്‍ഡ് റെസ്‌ക്യൂ ഓഫീസര്‍ (ട്രയിനി) തസ്തികയിലേക്കാണ് കേരള പബ്ലിക് സര്‍വ്വീസ് കമ്മീഷന്‍ വിജ്ഞാപനം പുറപ്പെടുവിച്ചിരിക്കുന്നത്. പ്ലസ് ടു അല്ലെങ്കില്‍ തത്തുല്ല്യ യോഗ്യതയുള്ളവര്‍ക്കാണ് പോസ്റ്റിലേക്ക് അപേക്ഷിക്കാനാവുക. കമ്പ്യൂട്ടര്‍ ആപ്ലിക്കേഷനില്‍ ഡിപ്ലോമയുള്ളവര്‍ക്ക് പ്രത്യേക പരിഗണനയുണ്ടായിരിക്കും. 18 മുതല്‍ 27 വയസുവരെയാണ് പ്രായപരിധി. എസ്.എസ്.ടി മറ്റു പിന്നോക്ക വിഭാഗങ്ങള്‍ക്ക് നിയമാനുസൃതമായ വയസിളവ് ഉണ്ടായിരിക്കും.

188/2023 ആണ് കാറ്റഗറി നമ്പര്‍. പി.എസ്.സിയുടെ ഔദ്യോഗിക വെബ്‌സൈറ്റ് വഴി ഓണ്‍ലൈനായി അപേക്ഷ സമര്‍പ്പിക്കാം. 20/09/2023 ആണ് അപേക്ഷിക്കാനുള്ള അവസാന തിയതി.

ജനറല്‍ കാറ്റഗറിയിലുള്ളവര്‍ക്ക് 165 സെന്റീമീറ്റര്‍ നീളവും 50 കിലോ തൂക്കവുമുണ്ടായിരിക്കണം. ് 81 സെന്റീമീറ്റര്‍ സാധാരണ നെഞ്ചളവും എക്‌സ്പാന്‍ഷന്‍ 5 സെന്റീമീറ്ററുമാണ്. എസ്.സി, എസ്.ടി വിഭാഗക്കാര്‍ക്ക് 160 സെന്റീമീറ്ററാണ് നീളം വേണ്ടത്. 48 കിലോ തൂക്കവും, 76 സെന്റീമീറ്റര്‍ സാധാരണ നെഞ്ചളവും 5 സെന്റീമീറ്റര്‍ എക്‌സ്പാന്‍ഷനും വേണം. പരീക്ഷക്ക് ശേഷം ഫിസിക്കല്‍ ടെസ്റ്റും ഉണ്ടായിരിക്കും. യോഗ്യത, പോസ്റ്റിങ്, മറ്റ് മാനദണ്ഡങ്ങള്‍ എന്നിവക്കായി പി.എസ്.സിയുടെ വെബ്‌സൈറ്റ് സന്ദര്‍ശിക്കുക.