ദുബൈ: ബുര്‍ജ് ഖലീഫയുടെ നെറുകയില്‍ കയറി ദുബൈ നഗരം കാണാന്‍ കൊതിക്കുന്നവര്‍ക്ക് സന്തോഷ വാര്‍ത്ത. വേനല്‍ക്കാല ഓഫറായി ഇപ്പോള്‍ അറുപത് ദിര്‍ഹമിന് ബുര്‍ജിന്റെ നെറുകയിലേറാം. ബുര്‍ജ് ഖലീഫയുടെ 124, 125 നിലകളില്‍ കയറി നഗരക്കാഴ്ചകള്‍ കാണാനാണ് അധികൃതര്‍ അവസരമൊരുക്കിയിരിക്കുന്നത്. നേരത്തെ 159 ദിര്‍ഹം വിലയുള്ള സാധാരണ ടിക്കറ്റാണ് പകുതിയില്‍ താഴെ വിലയില്‍ നിലവില്‍ ലഭ്യമാക്കുന്നത്. ഈ വരുന്ന സെപ്റ്റംബര്‍ 30 വരെ പൊതു അവധി ദിനങ്ങളുള്‍പ്പെടെയുള്ള മുഴുവന്‍ ദിവസങ്ങളിലും ഈ വേനല്‍ക്കാല ഓഫര്‍ ലഭ്യമാകും. സന്ദര്‍ശകര്‍ എമിറേറ്റ്സ് ഐഡി ടിക്കറ്റിങ് കൗണ്ടറുകളില്‍ കാണിക്കണം. ബുര്‍ജ് ഖലീഫയുടെ വെബ്സൈറ്റില്‍, atthetop.ae എന്ന വിന്‍ഡോയിലൂടെയാണ് ടിക്കറ്റുകളും സന്ദര്‍ശിക്കേണ്ട സമയവും ബുക്ക് ചെയ്യേണ്ടത്.