ദുബായ്:  വിവിധ പരിപാടികളില്‍ പങ്കെടുക്കാന്‍ യുഎഇയില്‍ എത്തിയ സമസ്ത കേരള ജംഇയ്യത്തുല്‍ ഉലമ പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ക്ക് ദുബായ് എയര്‍പോര്‍ട്ടില്‍ ഉജ്വല സ്വീകരണം നല്‍കി. ഞായറാഴ്ച രാവിലെ സമസ്ത കേന്ദ്ര മുശാവറ അംഗം സലാം ബാഖവി വടക്കേക്കാടിനൊപ്പം എയര്‍പോര്‍ട്ടിലെത്തിയ തങ്ങളെ മത-സാമൂഹിക-സാംസ്‌കാരിക രംഗങ്ങളിലെ പ്രമുഖര്‍ ചേര്‍ന്ന് സ്വീകരിച്ചു. എസ്‌കെഎസ്എസ്എഫ് യുഎഇ നാഷണല്‍ കമ്മിറ്റി പ്രസിഡണ്ട് സയ്യിദ് ശുഐബ് തങ്ങള്‍, ദുബൈ സുന്നി സെന്റര്‍ വൈസ് പ്രസിഡന്റ് അബ്ദുല്‍ ജലീല്‍ ഹാജി ഓറ്റപ്പാലം, എസ്‌കെഎസ്എസ്എഫ് യുഎഇ നാഷണല്‍ കമ്മിറ്റി സെക്രട്ടറി ശറഫുദ്ദീന്‍ ഹുദവി, യുഎഇ സുന്നി കൗണ്‍സില്‍ പ്രതിനിധി റസാഖ് വളാഞ്ചേരി, യുഎഇ എസ്‌കെഎസ്എഫ് മലപ്പുറം ജില്ലാ കമ്മറ്റി പ്രതിനിധി ആബിദ് യമാനി, അന്‍വര്‍ തൃശൂര്‍, അശ്‌റഫ് ദേശമംഗലം, ഖാദര്‍ ഫൈസി, ജലീല്‍ എടക്കുളം, അനസ് ഹാജി, സമദ് ഫൈസി, സലീം ദാരിമി, അലി ഫൈസി തുടങ്ങിയവര്‍ സംബന്ധിച്ചു.