യുഎഇയിൽ ഇന്ന് താപനില 28 ഡിഗ്രി സെൽഷ്യസ് വരെ കുറയും

അബുദാബി: രാജ്യത്ത് ഇന്ന് കാലാവസ്ഥ ചിലപ്പോൾ ഭാഗികമായി മേഘാവൃതമായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി (എൻ.സി.എം) അറിയിച്ചു. ചില മേഘങ്ങൾ മഴയുടെ സാധ്യതയെ കാണിക്കുന്നുണ്ട്. ഉച്ചയോടെ പടിഞ്ഞാറ് ഭാഗത്ത് ആകും മഴക്ക് സാധ്യത.

താപനില ഇന്ന് 28 ഡിഗ്രി സെൽഷ്യസ് വരെ താഴാൻ സാധ്യതയുണ്ട്. അബുദാബിയിലും ദുബൈയിലും താപനില 28 ഡിഗ്രി സെൽഷ്യസിനും 42 ഡിഗ്രി സെൽഷ്യസിനും ഇടയിലായിരിക്കും. നേരിയതോ മിതമായതോ ആയ കാറ്റ് പകൽ സമയത്ത് ഉണ്ടാകും. ഇത് പൊടിപടലങ്ങൾക്ക് കാരണമാകും.

ഇന്ന് രാത്രിയിലും ചൊവ്വാഴ്ച രാവിലെയും ഈർപ്പമുള്ളതായിരിക്കും. ചില തീരപ്രദേശങ്ങളിലും ഉൾനാടൻ പ്രദേശങ്ങളിലും മൂടൽമഞ്ഞ് രൂപപ്പെടാൻ സാധ്യതയുണ്ട്. അറേബ്യൻ ഗൾഫിലും ഒമാൻ കടലിലും കടൽ നേരിയ തോതിൽ അനുഭവപ്പെടും.