കുവൈത്ത് സിറ്റി: ജനറൽ അഡ്മിനിസ്ട്രേഷനുമായി സഹകരിച്ച് ജനറൽ അഡ്മിനിസ്ട്രേഷൻ ഓഫ് റെസിഡൻസ് അഫയേഴ്സ് ഇൻവെസ്റ്റിഗേഷൻസ് മഹ്ബൂല മേഖലയിൽ കർശനമായ സുരക്ഷാ പരിശോധന നടത്തി. റെസിഡൻസി നിയമങ്ങൾ ലംഘിക്കുന്ന വ്യക്തികളെ പിടികൂടാനാണ് ഈ തുടർച്ചയായ ശ്രമങ്ങൾ നടത്തിയത്. 

സുരക്ഷാ പരിശോധനയിൽ, താമസ നിയമങ്ങൾ പാലിക്കുന്നതിൽ പരാജയപ്പെടുകയും നൽകിയ സമയപരിധി പ്രയോജനപ്പെടുത്താതിരിക്കുകയും ചെയ്ത നിരവധി വ്യക്തികളെ അറസ്റ്റ് ചെയ്തു. റെസിഡൻസി നിയമങ്ങൾ നടപ്പാക്കുന്നതിന്റെ ഭാഗമായാണ് പരിശോധന കർശനമാക്കിയത്. പിടികൂടിയ നിയമലംഘകരെ നിയമനടപടികൾക്കും തുടർന്ന് രാജ്യത്തുനിന്ന് നാടുകടത്തുന്നതിനുമായി ബന്ധപ്പെട്ട അധികാരികൾക്ക് കൈമാറി.