കോഴിക്കോട്: കോഴിക്കോട് തിരുവമ്പാടിയിലെ ബിവറേജ് ഔട്ട്‌ലറ്റില്‍ മോഷണം. ബിവറേജ് കെട്ടിടത്തിന്റെ ചുമര് തുരന്നാണ് മോഷ്ടാവ് കെട്ടിടത്തിന് അകത്ത് കടന്നത്. ബിവറേജ് ഔട്ട്‌ലറ്റിന്റെ അകത്ത് കടന്ന മോഷ്ടാവ് പണമൊന്നും കൈക്കലാക്കിയില്ലെന്നും, റാക്കിലുണ്ടായിരുന്ന മദ്യകുപ്പികളില്‍ ചിലത് മാത്രമാണ് നഷ്ടമായതെന്നും ജീവനക്കാര്‍ പറയുന്നു. മേശയിലുണ്ടായിരുന്ന പണം പോയിട്ടില്ലെന്നും ജീവനക്കാര്‍ വ്യക്തമാക്കി.

കോഴിക്കോട് നിന്നും അധികൃതര്‍ എത്തി സ്റ്റോക്കെടുപ്പ് നടത്തിയാല്‍ മാത്രമേ എത്ര കുപ്പി മദ്യമാണ് മോഷണം പോയതെന്ന് വ്യക്തമാകൂ. രണ്ട് വര്‍ഷം മുമ്പും ഇതേ ഔട്ട്‌ലറ്റില്‍ മോഷണം നടന്നിരുന്നു. സ്ഥാപനത്തിന് നേരത്തെയുണ്ടായിരുന്ന സെക്യൂരിറ്റി ജീവനക്കാരനെ ബിവറേജ് കോര്‍പ്പറേഷന്‍ ഇടപെട്ട് ഒഴിവാക്കുകയായിരുന്നു. സംഭവത്തില്‍ കേസെടുത്ത തിരുവമ്പാടി പൊലീസ് അന്വേഷണം ആരംഭിച്ചു. കൂടാതെ എക്‌സൈസ് വകുപ്പും സംഭവത്തില്‍ അന്വേഷണം നടത്തുന്നുണ്ട്.

In a bizarre incident, thieves broke into a beverage outlet in Thiruvambady, but surprisingly left the cash on the counter untouched, making off only with liquor bottles, leaving the owner and authorities perplexed.