വാഷിങ്ടണ്‍: യു.എസ് തെരഞ്ഞെടുപ്പില്‍ ഡമോക്രാറ്റിക് പാര്‍ട്ടി സ്ഥാനാര്‍ഥിയായ റാഷിദ ത്‌ലൈബിനും  ജയം. മിഷിഗണില്‍നിന്ന് നാലാം തവണയാണ് റാഷിദ യു.എസ് കോണ്‍ഗ്രസിലേക്ക് തിരഞ്ഞെടുക്കപ്പെടുന്നത്. യുഎസ് കോണ്‍ഗ്രസിലേക്ക് തിരഞ്ഞെടുക്കപ്പെടുന്ന ആദ്യ ഫലസ്തീന്‍ വംശജയാണ് റാഷിദ ത്‌ലൈബ്.

സൊമാലിയന്‍ വംശജയായ ഇല്‍ഹാന്‍ ഉമറും വിജയം ഉറപ്പിച്ചു. മൂന്നാം തവണയാണ് ഇല്‍ഹാം യു.എസ് കോണ്‍ഗ്രസിലേക്ക് തെരഞ്ഞെടുക്കപ്പെടുന്നത്. മിനിസോട്ടയില്‍നിന്നാണ് ഇല്‍ഹാന്‍ വിജയിച്ചത്. ഗസ്സയിലെ ഇസ്‌റാഈല്‍ വംശഹത്യക്കെതിരെ രൂക്ഷ വിമര്‍ശനമുന്നയിക്കുന്നവരാണ് റാഷിദ തുലൈബും ഇല്‍ഹാന്‍ ഉമറും.

പ്രസിഡന്റ് തെരഞ്ഞെടുപ്പില്‍ റിപ്പബ്ലിക്കന്‍ സ്ഥാനാര്‍ഥി ഡൊണാള്‍ ട്രംപ് വന്‍ മുന്നേറ്റമാണ് നടത്തുന്നത്. മുന്നൂറിലധികം ഇലക്ടറല്‍ വോട്ടുകള്‍ ഡൊണാള്‍ഡ് ട്രംപ് നേടുമെന്നാണ് വിലയിരുത്തപ്പെടുന്നത്. സ്വിങ് സ്റ്റേറ്റുകളെല്ലാം കമലാ ഹാരിസിനെ കൈവിട്ടു. തെരഞ്ഞെടുപ്പിലെ തിരിച്ചടിക്ക് പിന്നാലെ ഡെമോക്രാറ്റിക് വാച്ച് പാര്‍ട്ടിയിലെ പ്രസംഗം കമലാ ഹാരിസ് റദ്ദാക്കി.