റാസല്‍ഖൈമ: സാഹസികരായ നിരവധി മനുഷ്യര്‍ നമുക്കു ചുറ്റും ഉണ്ടല്ലോ. അത്തരത്തില്‍ ഒരു സാഹസികന്റെ കഥയാണ് സാമൂഹ്യ മാധ്യമങ്ങളില്‍ ഇപ്പോള്‍രംഗം സൃഷ്ടിക്കുന്നത്. 'ബാറ്റ്മാന്‍ ഓഫ് എമിറേറ്റ്‌സ്' എന്ന് വിളിക്കപ്പെടുന്ന എമിറാത്തി സാഹസികന്‍ ഖലീഫ അല്‍ഗഫ്രിയാണ് ഞായറാഴ്ച രാവിലെ 9.30ന്, യുഎഇയിലെ ഏറ്റവും ഉയരം കൂടിയ പര്‍വതമായ റാസല്‍ഖൈമയിലെ ജബല്‍ ജെയ്‌സില്‍ നിന്ന് 1,650 മീറ്റര്‍ ഉയരത്തില്‍ നിന്ന് ചാടിയത്. 

 

 

 

 

 

View this post on Instagram

 

 

 

 

 

 

 

 

 

 

 

A post shared by خليفه الغافري🇦🇪 (@khalifa_alghafri_uae)

അര്‍ജന്റീന, റൊമാനിയ, ദക്ഷിണാഫ്രിക്ക എന്നിവിടങ്ങളില്‍ നിന്നുള്ള സാഹസികരും അല്‍ഗഫ്രിയെ അനുഗമിച്ചു. രാവിലെ 7 മണിയോടെയാണ് സംഘം ഉയരത്തിയത്. എന്നാല്‍ മൂടല്‍മഞ്ഞു കാരണം സാഹസിക യാത്ര ആരംഭിക്കാന്‍ അവര്‍ക്ക് രാവിലെ 9.30 വരെ കാത്തിരിക്കേണ്ടി വന്നു.

അല്‍ഗ്രാഫിയുടെ ചാട്ടത്തിനും തുടര്‍ന്നുള്ള വിംഗ്‌സ്യൂട്ട് ഫ്‌ലൈറ്റിനും തുടര്‍ന്നുള്ള പാരച്യൂട്ട് ലാന്‍ഡിംഗിനും 1.30 മിനിറ്റ് സമയം മാത്രമേ എടുത്തുള്ളൂ. സുപ്രീം കൗണ്‍സില്‍ അംഗവും റാസല്‍ഖൈമ ഭരണാധികാരിയുമായ ഷെയ്ഖ് സൗദ് ബിന്‍ സഖര്‍ അല്‍ ഖാസിമിയുടെ പിന്തുണയ്ക്ക് അല്‍ഗഫ്രി നന്ദി പറഞ്ഞു.

റാസല്‍ഖൈമയിലെ മറ്റു പല പര്‍വതങ്ങളില്‍ നിന്നും ചാടിയ അല്‍ഗ്രാഫി യൂറോപ്പിലെ ചില വലിയ കെട്ടിടങ്ങളില്‍ നിന്നും ചാടി സാഹസിക പ്രവൃത്തികളില്‍ ഏര്‍പ്പെട്ടിട്ടുണ്ട്. റാസല്‍ഖൈമയിലെ അല്‍ മഅമൂറയില്‍ നിന്നുള്ള അല്‍ഗഫ്രി, ഫ്രാന്‍സ്, സ്വിറ്റ്‌സര്‍ലന്‍ഡ്, നോര്‍വേ, ഇറ്റലി, തുര്‍ക്കി എന്നീ അഞ്ച് രാജ്യങ്ങളിലെയും യുഎഇയിലെ ചില പര്‍വതനിരകളിലെയും വ്യത്യസ്ത ഉയരങ്ങളിലുള്ള പര്‍വതശിഖരങ്ങളില്‍ നിന്ന് മുമ്പ് ചാടിയിട്ടുണ്ട്.

ബേസ് ജമ്പിംഗ്, സ്‌കൈ ഡൈവിംഗ് തുടങ്ങിയ പ്രത്യേക പ്രവര്‍ത്തനങ്ങളില്‍ ശ്രദ്ധ കേന്ദ്രീകരിച്ച് 2014ല്‍ 27ആം വയസ്സിലാണ് അല്‍ഗഫ്രി സാഹസിക കായിക വിനോദങ്ങള്‍ പരിശീലിക്കാന്‍ തുടങ്ങിയത്. ഈ കായിക വിനോദങ്ങള്‍ക്ക് തീവ്രമായ പരിശീലനം ആവശ്യമാണ്.

'Batman of the Emirates' jumps from Jabaloo Jays; Netizens are anxious