റിയാദ്: പ്രഥമ ഇലക്ട്രോണിക് ഗെയിംസ് ഒളിമ്പ്യാഡ് റിയാദിൽ നടക്കുമെന്ന് അന്താരാഷ്ട്ര ഒളിമ്പിക് കമ്മിറ്റി. കഴിഞ്ഞ വർഷം സഊദി അറേബ്യയുമായി ഒപ്പുവെച്ച 12 വർഷത്തെ കരാറിൻ്റെ അടിസ്ഥാനത്തിലാണ് തീരുമാനം. വർഷങ്ങളായി ഇലക്ട്രോണിക് ഗെയിമുകൾക്കുള്ള ലോക ടൂർണമെന്റിനുള്ള കാത്തിരിപ്പിലാണ് അന്താരാഷ്ട്ര ഒളിമ്പിക് കമ്മിറ്റി.

യുവതലമുറയുടെ പ്രധാന വിനോദമായ ഇലക്ട്രോണിക് ഗെയിമുകളെ പ്രയോജനപ്പെടുത്തുന്നതിനുള്ള അവസരങ്ങൾ കണ്ടെത്തുന്നതിനായി പ്രത്യേക സമിതി രൂപീകരിച്ചിട്ടുണ്ട്. ഇതിന്റെ ഭാഗമായാണ് 2021ൽ വിർച്വൽ ഒളിമ്പിക് ഗെയിംസ് സീരീസ് വികസിപ്പിച്ചെടുത്തത്. കഴിഞ്ഞ വർഷമാണ് ഇലക്ട്രോണിക് സ്പോർട്‌സുമായി ബന്ധപ്പെട്ട ഒളിമ്പിക് ഗെയിംസിന് ആതിഥേയത്വം വഹിക്കുന്നതിന് സഊദിയുമായി കരാർ ഒപ്പിട്ടത്.

അതേസമയം, ഇലക്ട്രോണിക് ഗെയിംസ് രംഗത്തെ പൈലറ്റ് പദ്ധതിയാണിതെന്ന് അന്താരാഷ്ട്ര ഒളിമ്പിക് കമ്മിറ്റി വ്യക്തമാക്കി. ചരിത്രപരമായ ആദ്യത്തെ ഇ-ഒളിമ്പിക്‌സിന് വളരെ വ്യക്തമായ ഒരു റോഡ്‌മാപ്പ് ഉണ്ടെന്ന് ഒളിമ്പിക് കമ്മിറ്റി പ്രസിഡൻ്റ് തോമസ് ബാച്ച് പ്രസ്‌താവനയിൽ പറഞ്ഞു. ഈ വർഷം ഇ-സ്പോർട്‌സ് ഒളിമ്പിക്‌സിലേക്കുള്ള വഴി ആരംഭിക്കുകയാണ്. ഇ-സ്പോർട്‌സ് ഒളിമ്പ്യാഡിൻ്റെ ആദ്യ പതിപ്പിൻ്റെ ഭാഗമായുള്ള ഗെയിമുകൾ തീരുമാനിക്കാനായി ആറംഗ കമ്മിറ്റി രൂപീകരിച്ചതായും തോമസ് ബാച്ച് വ്യക്തമാക്കി.

The Saudi Arabian city of Riyadh is set to host the inaugural Electronic Games Olympics, marking a significant milestone in the world of competitive gaming.