കട്ടക്ക്: ഒഡിഷയിലെ കട്ടക്കിന് സമീപം കാമാഖ്യ എക്സ്പ്രസിന്റെ 11 ബോഗികൾ പാളം തെറ്റിയ സംഭവത്തിൽ 25 പേർക്ക് പരിക്കേറ്റു. അപകടം ഇന്ന് രാവിലെ 11.45 ഓടെയായിരുന്നു. കട്ടക് ജില്ലയിലെ നെർഗുണ്ടി റെയിൽവേ സ്റ്റേഷന് സമീപമാണ് ട്രെയിൻ പാളം തെറ്റിയത്.

അപകടത്തെ തുടർന്ന് രക്ഷാപ്രവർത്തനം പുരോഗമിക്കുകയാണെന്ന് റെയിൽവേ അധികൃതർ അറിയിച്ചു. സംഭവത്തെ തുടർന്ന് മെഡിക്കൽ സംഘവും അടിയന്തര സേവനങ്ങളും സ്ഥലത്തെത്തിയിട്ടുണ്ട്. പാളം തെറ്റാനുള്ള കാരണം ഇതുവരെ വ്യക്തമായിട്ടില്ലെന്നും സംഭവത്തിൽ വിശദമായ അന്വേഷണം ആരംഭിച്ചതായും റെയിൽവേ അധികൃതർ അറിയിച്ചു.

യാത്രക്കാരുടെ സുരക്ഷ ഉറപ്പാക്കുന്നതിനായി, കാമാഖ്യ എക്സ്പ്രസ്സിലെ യാത്രക്കാരെ ഭുവനേശ്വരിൽ എത്തിക്കാൻ പ്രത്യേക ട്രെയിൻ സജ്ജമാക്കിയിട്ടുണ്ടെന്ന് റെയിൽവേ അറിയിച്ചു.

Eleven coaches of Kamakhya Express derailed near Nergundi railway station in Odisha’s Cuttack district, injuring 25 people. The accident occurred around 11:45 AM. Rescue operations are underway, and medical teams have reached the site. The cause of the derailment is yet to be determined. A special train has been arranged to transport passengers to Bhubaneswar.