പാലക്കാട്; പാലക്കാട് മങ്കര മഞ്ഞക്കരയില്‍ വീട്ടമ്മ ഷോക്കേറ്റ് മരണപ്പെട്ടു. കല്ലിങ്കല്‍ കെജി കൃഷ്ണദാസിന്റെ ഭാര്യ ശുഭയാണ് മരിച്ചത്. 50 വയസാണ് പ്രായം. വ്യാഴാഴ്ച രാത്രി 10 മണിക്കു ശേഷം വീട്ടിലെ ഗ്രൈന്റര്‍ പ്രവര്‍ത്തിപ്പിച്ചു കൊണ്ടിരിക്കേയാണ് ഷോക്കേറ്റത്. ഷോക്കേറ്റ് നിലത്തു വീണുകിടക്കുന്ന ശുഭയെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

സംഭവം നടക്കുമ്പോള്‍ ശുഭ മാത്രമേ വീട്ടിലുണ്ടായിരുന്നുള്ളൂ. തുടര്‍ന്ന് വൈദ്യുതി ബോര്‍ഡ് ഉദ്യോഗസ്ഥര്‍ വീട്ടിലെത്തി പരിശോധിക്കുകയും വയറിങ്ങിലെ അപാകതയാണ് ഷോക്കേല്‍ക്കാന്‍ കാരണമെന്നും പരിശോധനയില്‍ വ്യക്തമായെന്നും പറഞ്ഞു.