തിരുവനന്തപുരം: വിഷു-ഈസ്റ്റര്‍ ആഘോഷങ്ങളുടെ പശ്ചാത്തലത്തില്‍ ഏപ്രില്‍ 10നാണ് സപ്ലൈകോ വിഷു-ഈസ്റ്റര്‍ ഫെയര്‍ ആരംഭിച്ചത്. സാധാരണക്കാര്‍ക്ക് ഈ വിഷു-ഈസ്റ്റര്‍ ഫെയര്‍ വലിയ ഒരു ആശ്വാസമാണ്. വിഷു-ഈസ്റ്റര്‍ ഫെയറുകളില്‍ സബ്‌സിഡി ഉല്‍പന്നങ്ങള്‍ക്ക് പുറമേ തിരഞ്ഞെടുത്ത ബ്രാന്‍ഡഡ് ഉല്‍പ്പന്നങ്ങള്‍ക്കും സപ്ലൈകോയുടെ ശബരി ബ്രാന്‍ഡ് ഉല്‍പ്പന്നങ്ങള്‍ക്കും ഓഫറുകള്‍ ലഭ്യമാണ്. ഇതിനകം തന്നെ അഞ്ച് സബ്‌സിഡി ഇനങ്ങളുടെ വില കുറച്ചിട്ടുണ്ട്. തുവരപ്പരിപ്പ്, മുളക്, കടല, ഉഴുന്ന്, വന്‍പയര്‍ എന്നിവയുടെ വില കിലോഗ്രാമിന് 4 മുതല്‍ 10 രൂപ വരെ കുറച്ചിട്ടുണ്ട്.

അതേസമയം, വിഷുവിന് തലേദിവസമായ (13/04/2025) ഞായറാഴ്ച സപ്ലൈകോയുടെ എല്ലാ വിഷു- ഈസ്റ്റര്‍ ഫെയറുകളും സൂപ്പര്‍മാര്‍ക്കറ്റുകളും, മാവേലി സൂപ്പര്‍ സ്റ്റോറകളും തുറന്ന് പ്രവര്‍ത്തിക്കും. അതേസമയം, മാവേലി സ്റ്റോറുകള്‍ ഞായറാഴ്ച അവധിയായിരിക്കും. വിഷുദിനത്തില്‍ ഫെയറുകള്‍ക്കും സപ്ലൈകോ വില്‍പനശാലകള്‍ക്കും അവധി പ്രഖ്യാപച്ചിട്ടുണ്ട്. 

സംസ്ഥാനത്തെ എല്ലാ താലൂക്കിലെയും പ്രധാന വില്‍പനശാലകളില്‍ ഏപ്രില്‍ 10 മുതല്‍ 19 വരെയാണ് സപ്ലൈകോ വിഷു-ഈസ്റ്റര്‍ ഫെയര്‍ നടക്കുന്നത്. ഏപ്രില്‍ 18 ദുഃഖവെള്ളിയാഴ്ച ഫെയറുകള്‍ക്ക് അവധിയായിരിക്കും.

Supplyco has commenced its special Vishu-Easter fair from April 10th in Thiruvananthapuram, offering relief to consumers with discounted prices. The fair features subsidized products along with special offers on selected branded items and Supplyco's own Sabari brand products. This festive sale aims to provide affordable shopping options during the Vishu-Easter celebration period across Kerala.