കുവൈത്ത് സിറ്റി: 1976ലെ മന്ത്രിതല പ്രമേയത്തിലെ ചില വ്യവസ്ഥകള്‍ ഭേദഗതി ചെയ്യുകൊണ്ട് 2025 ലെ 560-ാം നമ്പര്‍ മന്ത്രിതല പ്രമേയം ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് അല്‍-യൂസഫ് പുറപ്പെടുവിച്ചു. പുതിയ പ്രമേയത്തില്‍ പ്രധാനമായും പ്രവാസികളെ ബാധിക്കുന്നതായ ഒരു ഭേദഗതിയാണ് ഉള്‍പ്പെടുത്തിയിരിക്കുന്നത്. പ്രവാസികള്‍ക്ക് ഡ്രൈവിംഗ് ലൈസന്‍സുകള്‍ അച്ചടിക്കുന്നതിന് 10 കുവൈത്തി ദിനാര്‍ ഫീസായി ഈടാക്കുമെന്നതാണ് വ്യവസ്ഥയിലെ പ്രധാന ഭേദഗതി.

പ്രമേയത്തിന്റെ പൂര്‍ണരൂപം ഞായറാഴ്ച രാവിലെ ഔദ്യോഗിക ഗസറ്റായ 'കുവൈത്ത് അലിയോം'ല്‍ പ്രസിദ്ധീകരിച്ചിട്ടുണ്ട്. ഇത് വൈകാതെ പ്രാബല്യത്തില്‍ വരും. പ്രവാസികളുടെ ഡ്രൈവിംഗ് ലൈസന്‍സുകള്‍ക്കുള്ള പുതിയ ഫീസ് ഘടന നടപ്പിലാക്കുന്നതിന് അണ്ടര്‍സെക്രട്ടറിയെ ചുമതലപ്പെടുത്തി. 

കുവൈത്തിലെ ഗതാഗത നിയന്ത്രണങ്ങളില്‍ വരുത്തിയുകൊണ്ടിരിക്കുന്ന ക്രമീകരണങ്ങളുടെ ഭാഗമാണ് പുതിയ ഭേദഗതി. പ്രവാസികള്‍ക്ക് ഡ്രൈവിംഗ് ലൈസന്‍സുകള്‍ നല്‍കുന്നതുമായി ബന്ധപ്പെട്ട ചെലവ് നിയന്ത്രിക്കുക എന്നതാണ് ഇതിന്റെ ലക്ഷ്യം.

Under a new ministerial resolution, Kuwait will charge expatriates a KD 10 fee to print driving licenses. The amendment was issued by Deputy PM and Interior Minister Sheikh Fahad Al-Yousef.