ശ്രീലങ്ക: വിമൺസ് ഏകദിനത്തിൽ പുത്തൻ റെക്കോർഡ് സ്വന്തമാക്കിയിരിക്കുകയാണ് ഇന്ത്യൻ ടീം. വിമൺസ് ത്രിരാഷ്ട്ര പരമ്പരയിലെ ഫൈനൽ മത്സരത്തിൽ ശ്രീലങ്കക്കെതിരെ 342 ന് ഏഴ് എന്ന മികച്ച ടോട്ടൽ നേടിയതോടെ ഒരുപിടി മികച്ച റെക്കോർഡുകളാണ് ഇന്ത്യൻ ടീം സ്വന്തമാക്കിയത്. വിമൺസ് ഏകദിനത്തിൽ ശ്രീലങ്കയിൽ ഏറ്റവും ഉയർന്ന ടീം സ്കോർ നോടാൻ ഇന്ത്യക്ക് സാധിച്ചു. കൂടാതെ വിദേശ മണ്ണിൽ ഇന്ത്യൻ വിമൺസ് ടീം നേടുന്ന ഏറ്റവും ഉയർന്ന സ്കോർ കൂടായാണ് ഇന്നത്തേത്. അതേസമയം വിമൺസ് ക്രിക്കറ്റിൽ ഒരു കലണ്ടർ വർഷം ഏറ്റവും കൂടുതൽ 300 പ്ലസ് സ്കോറുകൾ നേടീയ ടീം എന്ന റെക്കോർഡ് കൂടി ഇന്ത്യയെ തേടിയെത്തി  

ഇന്നത്തെ മത്സരത്തിൽ വിമൺസ് ഏകദിനത്തിൽ പുത്തൻ റെക്കോർഡ് സ്വന്തമാക്കാൻ ഇന്ത്യൻ ഓപ്പണർ സ്‌മൃതി മന്ദാനക്ക് സാധിച്ചു. വിമൺസ് ത്രിരാഷ്ട്ര പരമ്പരയിലെ ഫൈനൽ മത്സരത്തിൽ ശ്രീലങ്കക്കെതിരെ സെഞ്ച്വറി നേടിയതിന് പിന്നലെയാണ് സ്‌മൃതി ഈ റെക്കോർഡ് കൈവരിച്ചത്. വിമൺസ് ഏകദിനത്തിൽ എവേ ഗ്രൗണ്ടിൽ ഏറ്റവും കൂടുതൽ സെഞ്ച്വറി നേടുന്ന രണ്ടാമത്തെ താരമായി മാറാനാണ് സ്‌മൃതിക്ക് സാധിച്ചത്.

ആറ് സെഞ്ച്വറികളാണ് താരം എതിരാളികളുടെ തട്ടകത്തിൽ നേടിയത്. നാല് വീതം സെഞ്ച്വറികൾ നേടിയ സൂസി ബേറ്റ്സ്, ഷാർലറ്റ് എഡ്വേർഡ്സ്, ഹെയ്‌ലി മാത്യൂസ് എന്നിവരെ ഒരുമിച്ച് മറികടന്നാണ് സ്‌മൃതിയുടെ മുന്നേറ്റം. ആറ് സെഞ്ച്വറികൾ നേടിയ മെഗ് ലാനിംഗ് ആണ് ഈ റെക്കോർഡിൽ ഒന്നാം സ്ഥാനത്തുള്ളത്. 

ലങ്കയുടെ തട്ടകമായ ആർ പ്രേമദാസ സ്റ്റേഡിയത്തിൽ നടക്കുന്ന മത്സരത്തിൽ 101 പന്തിൽ 116 റൺസ് ആണ് സമൃതി അടിച്ചെടുത്തത്. 15 ഫോറുകളും രണ്ട് സിക്സുകളും അടങ്ങുന്നതായിരുന്നു താരത്തിന്റെ വെടിക്കെട്ട് പ്രകടനം. ആദ്യം ബാറ്റ് ചെയ്ത ഇന്ത്യ 50 ഓവറിൽ ഏഴ് വിക്കറ്റ് നഷ്ടത്തിൽ 342 റൺസിന്റെ കൂറ്റൻ ടോട്ടലാണ് പടുത്തുയർത്തിയത്. ഹെർലിൻ ഡിയോൾ 56 പന്തിൽ 47 റൺസും ജെമീമ റോഡ്രിഗസ്‌ 29 പന്തിൽ 44 റൺസും ക്യാപ്റ്റൻ ഹർമൻപ്രീത് കൗർ  30 പന്തിൽ 41 റൺസ് നേടി മികച്ച പ്രകടനം നടത്തി. 

ശ്രീലങ്ക പ്ലെയിങ് ഇലവൻ

ഹാസിനി പെരേര, വിഷ്മി ഗുണരത്‌നെ, ഹർഷിത സമരവിക്രമ, ചമാരി അത്പത്ത് (ക്യാപറ്റൻ), പിയുമി ബദൽഗെ, നീലക്ഷിക സിൽവ, അനുഷ്‌ക സഞ്ജീവനി (വിക്കറ്റ് കീപ്പർ), ദേവ്മി വിഹാംഗ, മൽക്കി രാ മദാര, ഇനോദ്ക കുമാരി. 

ഇന്ത്യ പ്ലെയിങ് ഇലവൻ

സ്മൃതി മന്ദാന, പ്രതീക റാവൽ, ഹർലീൻ ഡിയോൾ, ഹർമൻപ്രീത് കൗർ (ക്യാപ്റ്റൻ), ജെമീമ റോഡ്രിഗസ്, റിച്ച ഘോഷ് (വിക്കറ്റ് കീപ്പർ), ദീപ്തി ശർമ, സ്നേഹ റാണ, ശ്രീ ചരണി, അമൻജോത് കൗർ, ക്രാന്തി ഗൗഡ്.

Team India delivered a record-breaking performance against Sri Lanka, showcasing absolute dominance in all departments. From explosive batting to clinical bowling, the match saw multiple records being shattered, leaving fans in awe. This victory further cements India's supremacy in international cricket. 🏏🔥 #MenInBlue