ഇന്ത്യൻ ക്രിക്കറ്റിൽ പ്രമുഖ താരങ്ങളുടെ ആധിപത്യം അവസാനിപ്പിച്ച് പരിശീലകൻ ഗൗതം ഗംഭീർ ശക്തമായ നേതൃത്വത്തിലേക്ക് കടക്കുകയാണ്. രോഹിത് ശർമ്മയെയും വിരാട് കോലിയെയും ടീമിൽ നിന്ന് ഒഴിവാക്കാനുള്ള തീരുമാനത്തിൽ നിന്നും അദ്ദേഹത്തിന്റെ ദൃഢനിലപാട് വ്യക്തമാകുന്നു. ടീം വിജയമാണ് പ്രധാനമെന്നും വ്യക്തികളുടെ താരമാനങ്ങൾക്കല്ല മുൻഗണനയെന്നും ഗംഭീറിന്റെ സമീപനം തെളിയിക്കുന്നു.

2011 ലോകകപ്പ് വിജയത്തിനു ശേഷം എം.എസ്. ധോണിയുടെ സിക്സറിനെക്കാൾ, യുവരാജ് സിംഗ്, സഹീർ ഖാൻ എന്നിവരുടെ സംഭാവനയെ കുറിച്ച് അദ്ദേഹം തുറന്നു സംസാരിച്ചിരുന്നു. 'സ്റ്റാർഡം' നിലനിൽക്കുന്ന ഇടങ്ങളിൽ തനിക്കുള്ള ഇടം ഇല്ലെന്ന് അദ്ദേഹം വ്യക്തമാക്കിയിരുന്നു.

ചാപ്പലിന്റെയും കുംബ്ലെയുടെയും മാതൃക വ്യത്യസ്തമായിരുന്നു. ഗ്രെഗ് ചാപ്പലിന്റെ കാലത്ത് ഇന്ത്യൻ ടീമിൽ വലിയ അസ്വസ്ഥതകൾ ഉണ്ടായിരുന്നുവെങ്കിലും, ഗംഭീറിന്റെ നിലപാടുകൾ അതിൽ പാഠം ഉൾകൊണ്ട് അതിനെ തന്റേ രീതിയിലേക്ക് പരുവപ്പെടുത്തിയെടുത്തിരിക്കുന്നതാണ്. കോലി, രോഹിത്, അശ്വിൻ, ജഡേജ തുടങ്ങിയ പ്രധാന താരങ്ങളുടെ ഫോമിനെ കുറിച്ച് വിലയിരുത്തുകയും, അവർക്ക് തങ്ങളുടെ സ്ഥാനം പുനഃസ്ഥാപിക്കാൻ സമയവും നൽകി എന്നാൽ ടെസ്റ്റിൽ അത് പരാജയപ്പെട്ടതോടെ അവർ പഠിയിറങ്ങേണ്ടി വരുകയും ചെയ്തു.

ഇംഗ്ലണ്ട് പര്യടനത്തിൽ യുവതാരങ്ങൾക്ക് അവസരം നൽകണമെന്ന് ഗംഭീർ ഉറച്ചു നിൽക്കുന്നു. രോഹിതിനും കോലിക്കും വിടവാങ്ങൽ മത്സരമില്ലാതെ പുറത്താക്കിയതിൽ വിമർശനങ്ങളുണ്ടെങ്കിലും, ബിസിസിഐയുടെ പിന്തുണ അദ്ദേഹത്തിനുണ്ട്. പക്ഷേ, ഗംഭീറിന്റെ തീരുമാനങ്ങൾ വിജയകരമായില്ലെങ്കിൽ പ്രതിസന്ധിയിലാകാനുള്ള സാധ്യതയും കൂടൂതലാണ്.

ഇനി മുതിർന്ന താരങ്ങളിൽ ജഡേജ, ഷമി, ബുംറ എന്നിവരാണ് ശേഷിക്കുന്നത്. എന്നാൽ ഇവരുടെ ഫിറ്റ്നസ് നിലയും കരിയറിന്റെ ദൈർഘ്യവും ചോദ്യചിഹ്നങ്ങളാണ്. ഗില്ലിനാണ് ഭാവിയിലെ നായക സ്ഥാനത്തിനായി പരിഗണന. എന്നാൽ അവനിലും വലിയ ആശയക്കുഴപ്പം നിലനിൽക്കുന്നു.

ഗംഭീറിന്റെ കീഴിൽ ഇന്ത്യ ന്യൂസിലൻഡ്, ഓസ്ട്രേലിയ പര്യടനങ്ങളിൽ പരാജയപ്പെട്ടതോടെ, ഇംഗ്ലണ്ട് പര്യടനത്തിൽ വിജയിച്ചില്ലെങ്കിൽ വിമർശനം ശക്തമാകും. രോഹിതും കോലിയും ഇല്ലാതെ ടീം തകർന്നാൽ, വീണ്ടും ആ മുതിർന്ന താരങ്ങളിലേക്ക് തിരിഞ്ഞുനോക്കേണ്ടി വരും. ഈ സാഹചര്യത്തിൽ ഗംഭീറിന്റെ തീരുമാനം  തിരിച്ചടിയാകുമോ എന്ന് കാലമാണ് തീരുമാനം എടുക്കേണ്ടത്.

ഇന്ത്യൻ ക്രിക്കറ്റിൽ ഒരു പുതിയ അധ്യായമാണ് തുറക്കാൻ പോകുന്നത്. താരധിപത്യം നീക്കി, ടീമിന്റെ വിജയം മാത്രം പ്രധാനമാക്കുന്ന ഈ ദിശയിലേക്ക് മുന്നേറുന്നത് ഗംഭീറാണ്. ട്വി20 ക്രിക്കറ്റിൽ ഈ രീതി വിജയിച്ചെങ്കിലും, ടെസ്റ്റിലും ആവർത്തിക്കുമോ എന്നത് കാത്തിരിക്കേണ്ടതാണ്.

Gautam Gambhir is emerging as the most powerful figure in Indian cricket, signaling the end of the era of individual stardom. With the reported exit of veterans like Rohit Sharma and Virat Kohli from upcoming tours, Gambhir is prioritizing team performance over big names. His tough calls reflect a shift toward a results-driven culture, setting the stage for a new chapter in Indian cricket.