ദുബായ്: യുഎഇയിലെ ഏറ്റവും പുതിയ കാലാവസ്ഥാ വിവരങ്ങള്‍ ദേശീയ കാലാവസ്ഥാ കേന്ദ്രം (എന്‍സിഎം) അപ്‌ഡേറ്റ്‌ചെയ്തു. യുഎഇയിലുടനീളം ഇന്ന് തെളിഞ്ഞ കാലാവസ്ഥയായിരിക്കുമെന്നാണ് പ്രവചനം. കിഴക്കന്‍ പ്രദേശങ്ങളില്‍ ഭാഗികമായി മേഘാവൃതമായ ആകാശം പ്രതീക്ഷിക്കുന്നു. എങ്കിലും പല പ്രദേശങ്ങളിലും ഇടതൂര്‍ന്ന മൂടല്‍മഞ്ഞ് ആയതിനാല്‍ വാഹനമോടിക്കുന്നവര്‍ അടിയന്തര സുരക്ഷാ മുന്നറിയിപ്പുകള്‍ പാലിക്കണമെന്ന് അധികൃതര്‍ അറിയിച്ചു.

ഗണ്ടൗട്ട്, അബുദാബിയിലെ അല്‍ അജ്ബാന്‍, ജബല്‍ അലിയിലേക്കുള്ള മുഹമ്മദ് ബിന്‍ സായിദ് റോഡ്, ദുബൈയിലെ മദീനത്ത് ഹിന്ദ്, അല്‍ മക്തൂം അന്താരാഷ്ട്ര വിമാനത്താവളം, ജബല്‍ അലിയിലേക്കുള്ള എമിറേറ്റ്‌സ് റോഡ്, ദുബായ് സൗത്ത്, ഹെസൈവ, അല്‍ റാഫ, ഉം അല്‍ ഖുവൈനിലെ അല്‍ അഖ്‌റാന്‍ എന്നിവിടങ്ങളില്‍ ഇന്ന് പുലര്‍ച്ചെ കനത്ത മൂടല്‍മഞ്ഞ് ആണ് റിപ്പോര്‍ട്ട് ചെയ്തത്. 

മോട്ടോര്‍ ഡ്രൈവര്‍മാര്‍ സാവധാനത്തിലും ജാഗ്രതയോടെയും വാഹനമോടിക്കണമെന്ന് ആര്‍.ടി.എ നിര്‍ദേശം നല്‍കി. വാഹനങ്ങള്‍ക്കിടയില്‍ സുരക്ഷിതമായ അകലം പാലിക്കുക, ഹസാര്‍ഡ് ലൈറ്റുകള്‍ ഉപയോഗിക്കുന്നത് ഒഴിവാക്കുക, പോസ്റ്റുചെയ്ത വേഗത പരിധികള്‍ പാലിക്കുക, അവരുടെ പാതകളില്‍ തുടരുക എന്നീ നിര്‍ദേശങ്ങളും കര്‍ശനമായി പാലിക്കണം. 

ഇന്ന് രാത്രിയും നാളെ (മെയ് 21) രാവിലെയും കാലാവസ്ഥ ഈര്‍പ്പമുള്ളതായി തുടരും. ചില തീരദേശ, ആന്തരിക പ്രദേശങ്ങളില്‍ മൂടല്‍മഞ്ഞ് രൂപപ്പെടാന്‍ സാധ്യതയുണ്ട്. തെക്കുകിഴക്ക് നിന്ന് വടക്കുകിഴക്ക് വരെ മണിക്കൂറില്‍ 10 മുതല്‍ 20 കിലോമീറ്റര്‍ വരെ വേഗതയിലും ചില സമയങ്ങളില്‍ മണിക്കൂറില്‍ 30 കിലോമീറ്റര്‍ വരെ വേഗതയിലും കാറ്റ് വീശാന്‍ സാധ്യതയുണ്ട്.

 

 

 

 

 

View this post on Instagram

 

 

 

 

 

 

 

 

 

 

 

A post shared by المركز الوطني للأرصاد (@officialuaeweather)

താപനില പ്രവചനം

• ഉള്‍പ്രദേശങ്ങള്‍: 42°-C മുതല്‍ 47°-C വരെ
• തീരപ്രദേശങ്ങളും ദ്വീപുകളും: 35°-C മുതല്‍ 40°-C വരെ
• പര്‍വതപ്രദേശങ്ങള്‍: 33°-C മുതല്‍ 38°-C വരെ

Fog alert in UAE: Drive with caution as visibility drops in key areas in Abu Dhabi and Dubai