അഹമ്മദാബാദ്:ഐപിഎൽ 2025-ൽ ഗുജറാത്ത് ടൈറ്റൻസിനെതിരായ മത്സരത്തിൽ എം. എസ്. ധോണിയുടെ നേതൃത്വത്തിലുള്ള ചെന്നൈ സൂപ്പർ കിംഗ്സ് തകർപ്പൻ ജയം നേടി. 231 റൺസ് എന്ന വലിയ വിജയലക്ഷ്യം പിന്തുടർന്ന ഗുജറാത്ത് ടൈറ്റൻസ് 147 റൺസിൽ ഒതുങ്ങിയതോടെ ചെന്നൈ 83 റൺസിന്റെ മികച്ച വിജയം സ്വന്തമാക്കി. സീസണിലെ അവസാന മത്സരത്തിൽ ചെന്നൈയ്ക്ക് ആത്മവിശ്വാസം പകരുന്ന വിജയം കൂടിയായിരുന്നു ഇത്.

ഗുജറാത്തിന്റെ തകർച്ചയോടെ തുടക്കം:

231 റൺസെന്ന ഭീമൻ വിജയലക്ഷ്യം പിന്തുടരാനിറങ്ങിയ ഗുജറാത്ത് തുടക്കം മുതൽ ബുദ്ധിമുട്ടുകയായിരുന്നു. പവർ പ്ലേ അവസാനിക്കും മുമ്പേ തന്നെ മൂന്ന് വിക്കറ്റ് നഷ്ടമായി. നായകൻ ശുഭ്മാൻ ഗിൽ 13 റൺസിനും, ജോസ് ബട്ലർ 5 റൺസിനും, റൂഥർഫോർഡ് 0 റൺസിനുമാണ് പുറത്തായത്.

സായ് സുദർശനും ഷാറൂഖ് ഖാനും പ്രതീക്ഷ നൽകി:

ഇതുവരെ മികച്ച ഫോമിലായിരുന്ന സായ് സുദർശൻ (28 പന്തിൽ 41)  ഷാറൂഖ് ഖാൻ (15 പന്തിൽ 19) ചേർന്ന് ഇന്നിംഗ്സ് മുന്നോട്ടെടുത്തു. എന്നാൽ ഇവരെ ഒരേ ഓവറിൽ ജഡേജ പുറത്താക്കിയതോടെ ഗുജറാത്തിന്റെ പ്രതീക്ഷകൾ അവസാനിക്കുകയായിരുന്നു.

തെവാതിയയും റാഷിദും രക്ഷാപ്രവർത്തനം

85/6 എന്ന നിലയിൽ തകർന്ന ടീമിനെ റാഷിദ് ഖാനും (12), രാഹുൽ തെവാതിയയും (14) സഹായിക്കാൻ ശ്രമിച്ചെങ്കിലും ചെന്നൈ ബൗളിം​ഗിനു മുന്നിൽ അതികം പിടിച്ചു നിൽക്കാൻ അവർക്കായില്ല. നൂർ അഹമ്മദ്, മതീശ പതിരന, അൻഷുൽ കാംബോജ് എന്നിവരുടെ കിടിലൻ ബോളിംഗാണ് ഗുജറാത്തിന്റെ ബാറ്റിങ്ങിനെ വീഴ്ത്തിയത്.

അർഷദിന്റെ സിക്സറുകൾ 

അവസാന ഓവറുകളിൽ അർഷാദ് ഖാൻ മൂന്ന് സിക്സറുകൾ നേടി പ്രതീക്ഷയുണർത്തിയെങ്കിലും അത് ഏറെനേരം നിലനിന്നില്ല. താരതമ്യേന ദുർബലപ്പെട്ട  അവസാന ബാറ്റർമാരെ ചെന്നൈയുടെ ബൗളർമാർ പെട്ടെന്ന് തന്നെ വീഴ്ത്തി. 20 ഓവറുകൾ പൂർത്തിയാകുമ്പോഴേക്കും ഗുജറാത്ത് ടൈറ്റൻസ് 147 റൺസിൽ അവസാനിച്ചു.

ചെന്നൈയുടെ പ്രതാപം:

ബാറ്റിംഗിലും ബൗളിംഗിലും മുഴുവൻ മികവ് പ്രകടിപ്പിച്ച ചെന്നൈ സൂപ്പർ കിംഗ്സ് അവരുടെ ഐപിഎൽ സീസൺ മികച്ച ജയത്തോടെ അവസാനിപ്പിച്ചു. ഗുജറാത്തിന്റെ പ്ലേ ഓഫ് മോഹങ്ങൾ ധോണിയും സംഘവും തകർത്തു.

In a dominant display, Chennai Super Kings defeated Gujarat Titans by 83 runs in their final IPL 2025 league match. Chasing a massive target of 231, Gujarat crumbled under pressure and were bowled out for just 147. Key contributions from Chennai’s bowlers, including Jadeja and Noor Ahmad, ensured Gujarat’s playoff hopes came to an end.