ഐപിഎൽ ഫൈനൽ പോരാട്ടത്തിനായുള്ള കാത്തിരിപ്പിലാണ് ക്രിക്കറ്റ് ആരാധകർ. ഗുജറാത്തിലെ അഹമ്മദാബാദിൽ ഇന്ന് നടക്കുന്ന കലാശപ്പോരാട്ടത്തിൽ പഞ്ചാബ് കിങ്‌സും റോയൽ ചലഞ്ചേഴ്‌സ് ബെംഗളൂരുവുമാണ് ഏറ്റുമുട്ടുന്നത്.

ഈ മത്സരത്തിന് മുന്നോടിയായി ആർസിബി താരം വിരാട് കോഹ്‌ലിയുടെ പ്രകടനങ്ങൾ എങ്ങനെയാകുമെന്ന് പറയുകയാണ് മുൻ ഇന്ത്യൻ താരവും യുവരാജ് സിങ്ങിന്റെ പിതാവുമായ യോഗ്‌രാജ് സിങ്. കോഹ്‌ലി ക്രീസിൽ തുടർന്നാൽ 250-300 റൺസ് വരെ ചെയ്‌സ് ചെയ്തുകൊണ്ട് വിജയിക്കാൻ സാധിക്കുമെന്നാണ് യോഗ്‌രാജ് സിങ് അഭിപ്രായപ്പെട്ടത്. 

ALSO READ: അദ്ദേഹത്തിന് വേണ്ടി ഞങ്ങൾ ഈ കിരീടം ഉയർത്തും: രജത് പടിദാർ

കോഹ്‌ലി ക്രീസിൽ തുടർന്നാൽ 250 മുതൽ 300 റൺസ് വരെ പിന്തുടരാൻ അദ്ദേഹത്തിന് കഴിയും. ആദ്യ 10 ഓവറിനുള്ളിൽ കോഹ്‌ലിയെ പുറത്താക്കാൻ കഴിഞ്ഞാൽ മാത്രമേ പഞ്ചാബിന് മത്സരം വിജയിക്കാൻ കഴിയൂ'' യോഗ്‌രാജ് സിങ്ങ് എഎൻഐയോട് പറഞ്ഞു.

ഈ സീസണിൽ മികച്ച ഫോമിലാണ് കോഹ്‌ലി കളിക്കുന്നത്. 14 ഇന്നിംഗ്സുകളിൽ നിന്നും 614 റൺസ് ആണ് താരം നേടിയിട്ടുള്ളത്. ഈ സീസണിൽ എട്ട് അർദ്ധ സെഞ്ച്വറികളും കോഹ്‌ലി സ്വന്തമാക്കിയിട്ടുണ്ട്. താരത്തിന്റെ ഈ മികച്ച പ്രകടനം ഫൈനലിലും ആവർത്തിക്കുമെന്നാണ് ആരാധകർ പ്രതീക്ഷിക്കുന്നത്. 

അതേസമയം ക്വാളിഫയർ വണ്ണിൽ പഞ്ചാബിനെ വീഴ്ത്തിയാണ് ആർസിബി ഫൈനലിലേക്ക് യോഗ്യത നേടിയത്. മറുഭാഗത്ത് ക്വാളിഫയർ രണ്ടിൽ മുംബൈ ഇന്ത്യൻസിനെ തകർത്താണ് പഞ്ചാബ് ഫൈനൽ യോഗ്യത ഉറപ്പിച്ചത്.

Former Indian cricketer and Yuvraj Singhs father Yograj Singh has predicted RCB captain Virat Kohlis performance ahead of the IPL final