ബെംഗളൂരു: ഹോട്ടൽ മുറിയിൽ വെച്ച് കാമുകന്റെ കുത്തേറ്റ് 33 കാരിയായ യുവതി കൊല്ലപ്പെട്ടു. ഹരിണി എന്ന യുവതിയാണ് 17 ഓളം കുത്തേറ്റ് കൊല്ലപ്പെട്ടത്. ബെംഗളൂരു കെങ്കേരിയിലെ പൂർണപ്രജ്ഞ ലേഔട്ടിലുള്ള ഒരു ഒയോ ഹോട്ടൽ മുറിയിലാണ് സംഭവം നടന്നത്. യഷാസ് എന്ന 25 വയസ്സുള്ള ടെക്കിയാണ് തന്റെ കാമുകിയും രണ്ട് കുട്ടികളുടെ അമ്മയുമായ ഹരിണിയെ കൊലപ്പെടുത്തിയത്. ഇരുവരും തമ്മിൽ ഡേറ്റിങ്ങിൽ ആയിരുന്നു എന്നാണ് വിവരം.

കെങ്കേരി നിവാസികളായ ഇരുവരും രണ്ട് ദിവസം മുൻപാണ് ഹോട്ടലിൽ മുറിയെടുത്തത്. വെള്ളിയാഴ്ച രാത്രി ഇരുവരും തമ്മിൽ തർക്കം നടക്കുകയും അതിനിടയിൽ യഷാസ് കത്തികൊണ്ട് ഹരിണിയെ പലതവണ കുത്തുകയും ഇത് മരണത്തിൽ കലാശിച്ചതായുമാണ് റിപ്പോർട്ട്. സംഭവം നടന്ന് രണ്ട് ദിവസത്തിന് ശേഷമാണ് ഹരിണിയെ മരിച്ച നിലയിൽ കണ്ടെത്തിയത്.

ഒരു വർഷത്തോളമായി ഇരുവരും പരസ്പരം ബന്ധമുണ്ടായിരുന്നെന്നും എന്നാൽ കഴിഞ്ഞ രണ്ട് മാസമായി ഹരിണി ക്രമേണ യഷാസിൽ നിന്ന് അകന്നു മാറുകയായിരുന്നുവെന്നും സൗത്ത് ഡിസിപി ലോകേഷ് ജഗലാസർ പറഞ്ഞു. ഹരിണിയുടെ കുടുംബത്തിൽ ഇരുവരും തമ്മിലുള്ള ബന്ധത്തിന്റെ സൂചന ലഭിച്ചതോടെയാണ് ഹരിണി ബന്ധത്തിൽ നിന്ന് പിന്മാറാൻ ആരംഭിച്ചത്. എന്നാൽ അകലം പാലിച്ചതിൽ പ്രതി ദേഷ്യപ്പെടുകയും അവളെ കുത്തിക്കൊലപ്പെടുത്തുകയുമായിരുന്നു എന്നാണ് റിപ്പോർട്ട്.

സുബ്രഹ്മണ്യപുര പോലീസ് സ്റ്റേഷൻ പരിധിയിലാണ് സംഭവം നടന്നത്. സംഭവത്തിന് പിന്നാലെ പിടിയിലായ പ്രതി നിലവിൽ കോടതി കസ്റ്റഡിയിലാണ്.

ALSO READ: ഭാര്യയുടെ മരണം നെഞ്ചുവേദനയല്ല; പൊലീസിന്റെ ചോദ്യം ചെയ്യലിൽ ചുരുളഴിഞ്ഞത് ക്രൂരമായ കൊലപാതകം, ഭർത്താവ് കസ്റ്റഡിയിൽ

അതേസമയം, മറ്റൊരു സംഭവത്തിൽ, ബെംഗളൂരുവിലെ ആനേക്കൽ പ്രദേശത്തുള്ള 28 വയസ്സുള്ള ഒരാൾ ഭാര്യയെ കൊന്ന് തലയുമായി എത്തി പൊലിസ് സ്റ്റേഷനിൽ കീഴടങ്ങി. വിവാഹേതര ബന്ധത്തെച്ചൊല്ലിയുണ്ടായ സംഘർഷത്തെത്തുടർന്ന് ശങ്കർ എന്ന പ്രതി 26 വയസ്സുള്ള ഭാര്യ മാനസയെയാണ് കൊലപ്പെടുത്തിയത്. ജൂൺ 3 ന് രാത്രി, അടുത്ത ദിവസം രാവിലെ താൻ തിരിച്ചെത്തുമെന്ന് മാനസയെ അറിയിച്ച് ജോലിക്ക് പോയ ശങ്കർ, പക്ഷേ അന്ന് രാത്രിയിൽ തന്നെ അദ്ദേഹം തിരിച്ചെത്തിയപ്പോൾ മാനസ മറ്റൊരാളോടൊപ്പം ഉണ്ടെന്ന് കണ്ടെത്തി. ഇതേതുടർന്ന് ഉണ്ടായ തർക്കമാണ് തൊട്ടടുത്ത ദിവസത്തെ കൊലപാതകത്തിലേക്ക് എത്തിച്ചത്. 

A 33-year-old woman named Harini was brutally murdered by her boyfriend in a hotel room, having been stabbed approximately 17 times. The incident took place in an OYO hotel room located in Poornaprajna Layout, Kengeri, Bengaluru.