വേൾഡ് ടെസ്റ്റ് ചാമ്പ്യൻഷിപ്പ് ഫൈനൽ പോരാട്ടം ആരംഭിക്കാൻ ഇനി ദിവസങ്ങൾ മാത്രമേ ബാക്കിയുള്ളൂ. ജൂൺ 11 മുതൽ 15 വരെ ക്രിക്കറ്റിന്റെ മക്കയായ ലോർഡ്‌സ് സ്റ്റേഡിയത്തിൽ നടക്കുന്ന കലാശപോരാട്ടത്തിൽ സൗത്ത് ആഫ്രിക്കയും ഓസ്‌ട്രേലിയയും ആണ് നേർക്കുനേർ എത്തുന്നത്. ഇപ്പോൾ വേൾഡ് ടെസ്റ്റ് ചാമ്പ്യൻഷിപ്പ് വിജയിക്കാൻ പോവുന്ന ടീം എന്തായിരിക്കുമെന്ന് പ്രവചിച്ചിരിക്കുകയാണ് മുൻ സൗത്ത് ആഫ്രിക്കൻ താരം എബി ഡിവില്ലിയേഴ്സ്.  കിരീടം സൗത്ത് ആഫ്രിക്ക സ്വന്തമാക്കുമെന്നണ് ഡിവില്ലിയേഴ്സ് അഭിപ്രായപ്പെട്ടത്.  

സൗത്ത് ആഫ്രിക്കൻ ക്രിക്കറ്റിന് ഇതൊരു സുപ്രധാന നാഴികക്കല്ലാണ്, ലോർഡ്‌സിൽ നടക്കുന്ന ഒരു ഫൈനൽ. മുഴുവൻ രാജ്യവും ഞങ്ങളുടെ ടീമിനെ പിന്തുണയ്ക്കും. ഞങ്ങൾക്ക് ഫിനിഷിംഗ് ലൈൻ കടക്കാൻ കഴിയുമെന്ന് ഞാൻ പ്രതീക്ഷിക്കുന്നു. വെല്ലുവിളികൾക്കായി ഞാൻ ആകാംക്ഷയോടെ കാത്തിരിക്കുകയാണ്. ഞങ്ങൾക്ക് ശക്തമായ ഒരു ടീമുണ്ട്. ഫൈനലിൽ ഓസ്‌ട്രേലിയയെ അത്ഭുതപ്പെടുത്താൻ കഴിയുമെന്ന് എനിക്ക് ഉറപ്പുണ്ട്. ഈ ഐസിസി വേൾഡ് ടെസ്റ്റ് ചാമ്പ്യൻഷിപ്പ് ഫൈനലിൽ അവർ തീർച്ചയായും ഫേവറിറ്റുകളാണെന്നതിനാൽ ഞാൻ അതിനെ വിശേഷിപ്പിക്കാൻ സർപ്രൈസ് എന്ന വാക്ക് ഉപയോഗിക്കുന്നു'' എബി ഡിവില്ലിയേഴ്സ് പറഞ്ഞു. 

ALSO READ: ഇംഗ്ലണ്ടിനെതിരെയുള്ള ടെസ്റ്റിന് മുമ്പേ ഇന്ത്യക്ക് കനത്ത തിരിച്ചടി; സൂപ്പർതാരത്തിന് പരുക്ക്

ഓസ്‌ട്രേലിയൻ സ്‌ക്വാഡ്

പാറ്റ് കമ്മിൻസ് (ക്യാപ്റ്റൻ),സ്കോട്ട് ബോളണ്ട്, അലക്സ് കാരി, കാമറൂൺ ഗ്രീൻ, ജോഷ് ഹേസിൽവുഡ്, ട്രാവിസ് ഹെഡ്, ജോഷ് ഇംഗ്ലിസ്, ഉസ്മാൻ ഖവാജ, സാം കോൺസ്റ്റാസ്, മാറ്റ് കുഹ്നെമാൻ, മാർനസ് ലാബുഷാഗ്നെ, നഥാൻ ലിയോൺ, സ്റ്റീവ് സ്മിത്ത്, മിച്ചൽ സ്റ്റാർക്ക്, ബ്യൂ വെബ്‌സ്റ്റർ.

ട്രാവലിംഗ് റിസർവ്- ബ്രണ്ടൻ ഡോഗെറ്റ്

സൗത്ത് ആഫ്രിക്ക സ്‌ക്വാഡ്

ടെംബ ബവുമ (ക്യാപ്റ്റൻ), ഡേവിഡ് ബെഡിംഗ്ഹാം, കോർബിൻ ബോഷ്, ടോണി ഡി സോർസി, മാർക്കോ ജാൻസെൻ, കേശവ് മഹാരാജ്, ഐഡൻ മാർക്രം, വിയാൻ മൾഡർ, സെനുറൻ മുത്തുസാമി, ലുങ്കി എൻഗിഡി, ഡെയ്ൻ പാറ്റേഴ്‌സൺ, കാഗിസോ റബാഡ, റയാൻ റിക്കൽടൺ, കെയ്‌ലെ വെർബ്‌സ്.

Former South African batsman AB de Villiers has predicted the team that will win the World Test Championship