ഷാര്‍ജ: 19 മില്യണ്‍ ദിര്‍ഹമിലധികം വില മതിക്കുന്ന 3.5 മില്യണ്‍ ക്യാപ്റ്റഗണ്‍ ഗുളികകള്‍ ഷാര്‍ജ പൊലിസ് പിടിച്ചെടുത്തു. 'ബോട്ടം ഓഫ് ഡാര്‍ക്‌നസ്' എന്ന പേരില്‍ അബൂദബി പൊലിസുമായി സഹകരിച്ച് നടത്തിയ സംയുക്ത ഓപറേഷനിലാണ് ഷാര്‍ജ പൊലിസ് 3.5 ദശലക്ഷം ക്യാപ്റ്റഗണ്‍ ഗുളികകള്‍ കണ്ടെത്തിയതെന്ന് പൊലിസിലെ മയക്കുമരുന്ന് വിരുദ്ധ വകുപ്പ് ഡയരക്ടര്‍ ബ്രിഗേഡിയര്‍ മാജിദ് സുല്‍ത്താന്‍ അല്‍ അസം പറഞ്ഞു. പെട്ടെന്ന് മനസ്സിലാവാത്ത രീതിയില്‍ ഗുളികകള്‍ ഒളിപ്പിച്ച സംഘത്തെ അധികൃതര്‍ സൂക്ഷ്മമായി നിരീക്ഷിച്ചു. ഓപറേഷന്റെ ഫലമായി 585 കിലോഗ്രാം ഭാരമുള്ള ക്യാപ്റ്റഗണ്‍ ഗുളികകള്‍ ആണ് പിടിച്ചെടുത്തത്.

യുവാക്കളെ ലക്ഷ്യമിട്ടായിരുന്നു സംഘം ഇത് ഒളിപ്പിച്ചു വച്ചിരുന്നത്. യു.എ.ഇ ആഭ്യന്തര മന്ത്രാലയത്തിലെ ഫെഡറല്‍ മയക്കുമരുന്ന് വിരുദ്ധ വകുപ്പിന്റെ സഹകരണവും 'ബോട്ടം ഓഫ് ഡാര്‍ക്‌നസ്' ഓപറേഷനുണ്ടായിരുന്നു.

വിശദമായ നിരീക്ഷണത്തിന്റെയും അന്വേഷണത്തിന്റെയും ഫലമായാണ് മയക്കുമരുന്ന് കണ്ടെത്തിയതെന്ന് അദ്ദേഹം വിശദീകരിച്ചു. ഗുളികകള്‍ മണ്ണിനടിയില്‍ കുഴിച്ചിട്ട ശേഷം ഇന്റര്‍ലോക്ക് ഫ്‌ലോര്‍ ടൈലുകള്‍ കൊണ്ട് മൂടി മറച്ചു വെച്ചിരുന്നു. കാര്യക്ഷമമായ അന്വേഷണത്തില്‍ ഈ തന്ത്രം മനസിലാക്കാനും ഒളിത്താവളം കണ്ടെത്താനും സംഘത്തില്‍ ഉള്‍പ്പെട്ടവരെ അറസ്റ്റ് ചെയ്യാനും കഴിഞ്ഞുവെന്ന് അദ്ദേഹം വിശദീകരിച്ചു.

The 'Bottom of Darkness' joint operation, conducted in collaboration with Abu Dhabi Police, uncovered 585kg of pills buried underground and hidden behind interlocking tiles.