ഭോപ്പാൽ: രാജ്യത്തെ ഞെട്ടിച്ചു ബിജെപി ഭരിക്കുന്ന മധ്യപ്രദേശിൽ വീണ്ടും ഗോരക്ഷാ തീവ്രവാദികളുടെ അഴിഞ്ഞാട്ടം. ഭോപ്പാലിലെ മെഹ്ഗാവ് ഗ്രാമത്തിൽ ആണ് സംഭവം. പശുക്കളെ കൊണ്ടുപോകുന്നതിനിടെ തീവ്ര ഹിന്ദുത്വ സംഘടനയായ ബജ്‌റംഗ് ദൾ അക്രമിക്കൂട്ടം രണ്ട് മുസ്ലിം യുവാക്കളെ ക്രൂരമായി തല്ലിച്ചതയ്ക്കുകയായിരുന്നു. കന്നുകാലി വ്യാപാരിയായ ജുനൈദ് (24) മരിച്ചു. ബന്ധുവും സഹായിയുമായ അർമാൻ്റെ (21) നില ഗുരുതരമാണ്. 

 ജൂൺ 5 ന് അർദ്ധരാത്രി നടന്ന സംഭവത്തിൻ്റെ വീഡിയോ സമൂഹ മാധ്യമങ്ങളിൽ പ്രചരിച്ചതോടെ ആണ് ഗോ രക്ഷാ ഗുണ്ടകളുടെ ആക്രമണം ചർച്ചയായത്. ജുനൈദും അർമാനും വിദിഷയിൽ നിന്ന് ഭോപ്പാലിലേക്ക് കന്നുകാലികളെ കൊണ്ടുപോകുകയായിരുന്നു.

അക്രമികൾ തന്നെ റെക്കോർഡ് ചെയ്ത വീഡിയോ ആണ് പ്രചരിക്കുന്നത്. അടിയേറ്റ് വീണ ഇരകളിൽ ഒരാൾ എഴുന്നേൽക്കാൻ കഴിയാതെ, "ഭഗവാൻ കെ ലിയേ ഹുമൈൻ ചോഡ് ദോ (ദൈവത്തെ ഓർത്തു ഞങ്ങളെ രക്ഷിക്കണമേ)" എന്ന് അപേക്ഷിക്കുന്നത് കേൾക്കാം. 20-025 പേർ വരുന്ന സംഘം ആണ് ആക്രമിച്ചത്. അവർ ഇരകളിൽ നിന്ന് 2രണ്ട് ലക്ഷം രൂപ കൊള്ളയടിക്കുകയും ചെയ്തു. 

ആക്രമണത്തിന് ശേഷം പ്രാദേശിക ബജ്റംഗ്ദൾ നേതാവായ ധ്രുവ് ചതുർവേദി ആക്രമണത്തെ ന്യായീകരിക്കുന്ന വീഡിയോ പോസ്റ്റ് ചെയ്തിട്ടുണ്ട്. ഞങ്ങൾ വാഹനത്തെ പിന്തുടരുമ്പോൾ അവർ ഞങ്ങളെ ആക്രമിച്ചെന്നും പക്ഷെ ജീവൻ പണയപ്പെടുത്തി ഞങ്ങൾ പശുക്കളെ രക്ഷിച്ചു എന്നുമാണ് നേതാവിൻ്റെ അവകാശവാദം.

അതേസമയം ജുനൈദ് പശുക്കടത്ത് കാരൻ അല്ലെന്നു പിതാവ് മാധ്യമപ്രവർത്തകരോട് പറഞ്ഞു. എന്റെ മകൻ നിരപരാധിയായിരുന്നു. അവൻ ഒരു തൊഴിലാളിയായി ജോലി ചെയ്തിരുന്നു. ആൾക്കൂട്ടത്തിന് അവനെ കൊല്ലാൻ ആരാണ് അവകാശം നൽകിയത്? പിതാവ് ചോദിച്ചു. ഭാരതീയ ന്യായ സംഹിതയിലെ സെക്ഷൻ 103 (2) (കൊലപാതകം) പ്രകാരം എഫ്‌ഐആർ ഫയൽ ചെയ്യുന്നതിൽ പോലീസ് പരാജയപ്പെട്ടുവെന്ന് കുടുംബങ്ങൾ ആരോപിച്ചു.

സംഭവത്തിൽ മൂന്ന് പേരെ അറസ്റ്റുചെയ്തു. കേസിൽ ആകെ 12 പ്രതികൾ ആണുള്ളത്. എല്ലാവരും ആക്രമണം, വിദ്വേഷ കുറ്റകൃത്യം, പിടിച്ചുപറി തുടങ്ങിയ കേസുകളിൽ മുമ്പും പ്രതി ചേർക്കപ്പെട്ടവരാണ്. 

Two Muslim youth were brutally assaulted by cow vigilantes, affiliated with the right-wing Bajrang Dal, while transporting cows in Madhya Pradesh’s Mehgaon village. One succumbed to his injuries while undergoing treatment on June 17 in Bhopal, while the other is still in a critical condition.