കണ്ണൂർ: കായലോട്- പറമ്പായിലെ റസീന മൻസിലിൽ റസീന ആത്മഹത്യ ചെയ്ത സംഭവത്തിൽ ആൺസുഹൃത്ത് പൊലിസ് സ്റ്റേഷനിൽ ഹാജരായി. മയ്യിൽ സ്വദേശി റഹീസ് ആണ് ഇന്ന് പുലർച്ചെ ഹാജരായത്. റസീനയുടെ മരണശേഷം റഹീസിനെ കാണാതായിരുന്നു. പിണറായി സ്റ്റേഷനിൽ ഹാജരായ യുവാവിൻറെ വിശദ മൊഴി രേഖപ്പെടുത്തും. 

റസീന ജീവനൊടുക്കാൻ കാരണം സദാചാര ​ഗുണ്ടായിസമാണെന്ന നിലപാടിലാണ് പൊലിസ്. ആൺ സുഹൃത്തായ റഹീസിനെ കുറ്റപ്പെടുത്തുന്നതൊന്നും റസീനയുടെ ആത്മഹത്യക്കുറിപ്പിൽ ഇല്ലെന്നും പൊലിസ് അറിയിച്ചിരുന്നു. എന്നാൽ മകൾ ജീവനൊടുക്കാൻ കാരണം റഹീസ് ആണെന്ന് ആരോപിച്ച് റസീനയുടെ മാതാവ് രംഗത്ത് വന്നിരുന്നു. റസീനയുടെ 40 പവൻ സ്വർണവും പണവും റഹീസ് തട്ടിയെടുത്തുവെന്നും ഇവർ ആരോപിച്ചു. പൊലിസ് സദാചാര ഗുണ്ടായിസത്തിന്റെ പേരിൽ അറസ്റ്റ് ചെയ്തവർ നിരപരാധികളാണെന്നും മാതാവ് വ്യക്തമാക്കിയിരുന്നു.  സിപിഎം ബ്രാഞ്ച് കമ്മിറ്റി അംഗമാണ് റസീനയുടെ മാതാവും പിതാവും.

എന്നാൽ, സദാചാര ഗുണ്ടായിസം നടത്തിയെന്ന് ആരോപിച്ച് പറമ്പായി സ്വദേശികളായ വി.സി. മുബഷിർ, കെ.എ. ഫൈസൽ, വി.കെ. റഫ്നാസ് എന്നിവരെ പൊലിസ് അറസ്റ്റ് ചെയ്തിട്ടുണ്ട്. പ്രതികൾക്കെതിരെ ആത്മഹത്യ പ്രേരണക്കുറ്റമാണ് ചുമത്തിയിട്ടുള്ളത്. അറസ്റ്റിലായവർ എസ്ഡിപിഐ പ്രവർത്തകരാണ്.

അതേസമയം, മാതാവ് തന്നെ സത്യം വെളിപ്പെടുത്തിയതിൻറെ അടിസ്ഥാനത്തിൽ പ്രവർത്തകർക്കെതിരെ പൊലിസ് ചുമത്തിയ കള്ളക്കേസ് പിൻവലിക്കണമെന്ന് ആവശ്യപ്പെട്ട് എസ്ഡിപിഐ രംഗത്തെത്തി. റസീനയെ ആൺസുഹൃത്ത് സാമ്പത്തികമായി ഉൾപ്പെടെ ചൂഷണം ചെയ്തതിൻറെ അടിസ്ഥാനത്തിലാണ് ആത്മഹത്യയെന്ന് വ്യക്തമായെന്നും എസ്ഡിപിഐ പ്രസ്താവനയിൽ പറഞ്ഞു.

In the case of Raseena’s suicide at her residence in Kayalode-Parampayi, her boyfriend appeared at the police station. Rahees, a native of Mayyil, presented himself early this morning. He had been missing since Razina’s death. A detailed statement from the young man, who appeared at the Pinarayi police station, will be recorded.