ദുബൈ/ദോഹ: ഇറാനിലെ പ്രധാനപ്പെട്ട മൂന്ന് ആണവ നിലയങ്ങള്‍ക്ക് നേരെ അമേരിക്ക ആക്രമണം നടത്തിയതിന്റെ പശ്ചാത്തലത്തില്‍ അടിയന്തര സാഹചര്യങ്ങള്‍ നേരിടാന്‍ തയ്യാറാടുപ്പുകളുമായി ബഹ്‌റൈനും കുവൈത്തും. ഇരു രാജ്യങ്ങളിലും അമേരിക്കയുടെ സൈനിക താവളങ്ങള്‍ ഉണ്ടെന്നതിനാല്‍ ഇറാന്‍ ഈ കേന്ദ്രങ്ങള്‍ അക്രമിക്കുമോ എന്ന ആശങ്ക രാഷ്ട്രത്തലവന്‍മാര്‍ക്കുണ്ട്. ഇതോടെ കടുത്ത ജാഗ്രതയിലാണ് ഇരു രാജ്യങ്ങളും.

ALSO READ: ഇറാനെതിരെ യുഎസ് ആക്രമണം: നിയമലംഘനവും ക്രൂരതയുമെന്ന് ലോക രാജ്യങ്ങൾ

അമേരിക്ക കൂടി യുദ്ധത്തില്‍ ഇടപെട്ടതോടെ തങ്ങളുടെ അതിര്‍ത്തികളിലേക്ക് വ്യാപിക്കാനുള്ള സാഹചര്യം കണക്കിലെടുത്ത് ഏതൊരു അടിയന്തര സന്ദര്‍ഭത്തെയും നേരിടാന്‍ ബഹ്‌റൈനും കുവൈത്തും സജ്ജമായി കഴിഞ്ഞു. രാജ്യങ്ങളിലെ ജനങ്ങളുടെയും പ്രധാനപ്പെട്ട സ്ഥാപനങ്ങളുടെയും കേന്ദ്രങ്ങളുടെയും സുരക്ഷ കണക്കിലെടുത്ത് ഇരുരാജ്യങ്ങളും അടിയന്തര പദ്ധതികള്‍ സജീവമാക്കുന്നുണ്ട്. യുഎസ് നേവിയുടെ 5ാം ഫഌറ്റീന്റെ ആസ്ഥാനം ബഹ്‌റൈനിലാണ്. കുവൈത്തിലും അമേരിക്കയുടെ ഒന്നിലധികം സൈനികതാവളങ്ങളുണ്ട്.

ഇറാനിലെ പ്രധാനപ്പെട്ട ആണവനിലയങ്ങള്‍ക്ക് നേരെ അമേരിക്ക ആക്രമണം നടത്തിയതിനു തൊട്ടുപിന്നാലെ സര്‍ക്കാര്‍ മന്ത്രാലയങ്ങളുടെ പ്രധാനപ്പെട്ട കെട്ടിടങ്ങളില്‍ കുവൈത്ത് ഷെല്‍ട്ടറുകള്‍ സജ്ജമാക്കിയിട്ടുണ്ട്. ഏതു സാഹചര്യം നേരിടാന്‍ തയ്യാറാണെന്ന് കുവൈത്ത് സൈന്യവും പറഞ്ഞിരുന്നു.

ALSO READ: ഇറാനെതിരെ യുഎസ് ആക്രമണം: ഓപ്പറേഷനിൽ വഞ്ചനയും തന്ത്രവും ഉൾപ്പെട്ടിട്ടുണ്ടെന്ന് വെളിപ്പെടുത്തല്‍

അതേസമയം പ്രധാന റോഡുകളിലൂടെയുള്ള യാത്രകള്‍ പരമാവധി ഒഴിവാക്കണമെന്ന് ബഹ്‌റൈന്‍ താമസക്കാര്‍ക്കും പൗരന്മാര്‍ക്കും മുന്നറിയിപ്പ് നല്‍കി. ബന്ധപ്പെട്ട അധികൃതര്‍ക്ക് കാര്യക്ഷമമായി റോഡുകള്‍ ഉപയോഗിക്കാനും പൊതുജന സുരക്ഷയും പരിഗണച്ചാണ് മുന്നറിയിപ്പ്. ബഹ്‌റൈനിലെ 70 ശതമാനം ജീവനക്കാര്‍ക്കും വര്‍ക്ക് ഫ്രം ഹോം ഏര്‍പ്പെടുത്തി. രാജ്യത്തുടനീളം 33 ഷെല്‍ട്ടറുകളും സജ്ജമാക്കിയിട്ടുണ്ട്.          

The ongoing Israel-Iran conflict has escalated with U.S. military intervention, prompting serious concern among GCC countries. Regional leaders warn of wider instability and economic fallout. Calls for diplomatic solutions are growing, as fears mount over the impact on oil markets, security, and the broader Middle East geopolitical balance.