ലോഡ്‌സ്: ഇന്ത്യ ഇം​ഗ്ലണ്ട് മൂന്നാം ടെസ്റ്റിൽ ടോസ് നേടിയ ഇം​ഗ്ലണ്ട് ബാറ്റിങ്ങ് തിരഞ്ഞെടുത്തു. രണ്ട് ടീമും ഓരോ മാറ്റങ്ങളുമായാണ് കളത്തിലിറങ്ങിയത്. രണ്ടാം ടെസ്റ്റിൽ വിശ്രമത്തിലായിരുന്ന പേസർ ജസ്പ്രീത് ബൂംമ്ര ടീമിൽ തിരിച്ചെത്തി. അതേസമയം, കഴിഞ്ഞ മത്സരത്തിൽ കളിച്ച ജോഷ് ടങ്കിനു പകരം ജോഫ്ര ആർച്ചർ ഇം​ഗ്ലണ്ട് പ്ലേയിങ്ങ് ഇലവനിലെത്തി. അഞ്ച് മത്സരങ്ങൾ അടങ്ങുന്ന പരമ്പരയിൽ നിലവിൽ ഇരു ടീമുകളും ഓരോ മത്സരം വീതം ജയിച്ച് സമനിലയിൽ പിരിഞ്ഞതിനാൽ ഇനിയുള്ള ഓരോ മത്സരത്തിലും ഇരു ടീമുകളും ശ്രദ്ധയോടെയാകും കരുക്കൾ നീക്കുക. 

ഇന്ന് മൂന്നാം ടെസ്റ്റിനായി ലോർഡ്സിൽ ഇറങ്ങുമ്പോൾ, എഡ്ജ്ബാസ്റ്റണിൽ നേടിയ ചരിത്ര വിജയം ആവർത്തിക്കുകയാണ് ഇന്ത്യയുടെ പ്രധാന ലക്ഷ്യം. എന്നാൽ, ലോർഡ്സിന്റെ ചരിത്രവും കണക്കുകളും ഇന്ത്യയ്ക്ക് പ്രതീക്ഷക്ക് വക നൽകുന്നതല്ല. ലോർഡ്സിൽ ഇംഗ്ലണ്ടിനെതിരെ ഇന്ത്യ ഇതുവരെ കളിച്ചത് 19 ടെസ്റ്റുകളാണ്. ഇതിൽ മൂന്നെണ്ണത്തിൽ മാത്രമാണ് ഇന്ത്യ വിജയിച്ചത്. നാല് മത്സരങ്ങൾ സമനിലയിൽ അവസാനിച്ചു. ബാക്കി 12 ടെസ്റ്റുകളിലും വിജയം ഇം​ഗ്ലണ്ടിനൊപ്പമായിരുന്നു.  ALSO READ: ലോകക്രിക്കറ്റിലേക്ക് പുതിയൊരു ടീം; ഫുട്ബോളിന്റെ നാട്ടുകാർ ക്രിക്കറ്റ് ലോകകപ്പ് കളിക്കാനൊരുങ്ങുന്നു

ലോർഡ്സിൽ ഇന്ത്യ ആദ്യ ടെസ്റ്റ് കളിച്ചത് 1932-ലാണ്. ആ മത്സരത്തിൽ 158 റൺസിനായിരുന്നു ഇംഗ്ലണ്ടിന്റെ വിജയം. തുടർന്ന് കളിച്ച ഒൻപത് ടെസ്റ്റുകളിൽ രണ്ട് സമനില മാത്രമായിരുന്നു ഇന്ത്യക്ക് ആശ്വസിക്കാൻ വക നൽകിയത്, ബാക്കി ഏഴ് ടെസ്റ്റിലും പരാജയമായിരുന്നു വിധി. 1986-ലാണ് ലോർഡ്സിൽ ഇന്ത്യയുടെ ആദ്യ വിജയം. കപിൽ ദേവിന്റെ നേതൃത്വത്തിൽ ഇന്ത്യ അഞ്ച് വിക്കറ്റിന്റെ ചരിത്ര വിജയം സ്വന്തമാക്കി. ഇതിനുശേഷം കളിച്ച അഞ്ച് ടെസ്റ്റുകളിൽ മൂന്ന് തോൽവിയും രണ്ട് സമനിലയുമായിരുന്നു ഫലം.

2014ൽ എം.എസ്. ധോണിയുടെ നേതൃത്വത്തിലുള്ള ടീം 95 റൺസിന്റെ വിജയം നേടി. ഇതയിരുന്നു ലോർഡ്സിൽ ഇന്ത്യയുടെ രണ്ടാം വിജയം.  ആദ്യ ഇന്നിംഗ്സിൽ ലീഡ് വഴങ്ങിയ ശേഷമുള്ള ഈ വിജയം ഇന്ത്യയ്ക്ക് ഇരട്ടി മധുരമായിരുന്നു. എന്നാൽ, 2018-ൽ ഇന്ത്യ വലിയ പരാജയം നേരിട്ടു, ഇന്നിംഗ്സിനും 159 റൺസിനുമായിരുന്നു ഇത്തവണ പരാജയപ്പെട്ടത്. 2021-ൽ ലോർഡ്സിൽ അവസാനമായി കളിച്ചപ്പോൾ വിരാട് കോലിയുടെ നേതൃത്വത്തിൽ ഇന്ത്യ 151 റൺസിന്റെ ഉജ്ജ്വല വിജയം നേടി.

അഞ്ച് മത്സരങ്ങളുടെ പരമ്പരയിൽ, ലീഡ്സിൽ നടന്ന ആദ്യ ടെസ്റ്റിൽ ഇംഗ്ലണ്ട് അഞ്ച് വിക്കറ്റിന്റെ ജയത്തോടെ മുന്നിലെത്തി. എന്നാൽ, എഡ്ജ്ബാസ്റ്റണിൽ നടന്ന രണ്ടാം ടെസ്റ്റിൽ 336 റൺസിന്റെ വൻ വിജയവുമായി ഇന്ത്യ പരമ്പര സമനിലയിൽ എത്തിച്ചു. 

England's captain Ben Stokes won the toss and chose to bat first in the third Test against India at Lord's Cricket Ground. England made one change, bringing in Jofra Archer for Josh Tongue, while India welcomed back Jasprit Bumrah, replacing Prasidh Krishna. The five-match series is currently tied 1-1, with both teams looking to take a crucial lead ¹.