ചെറുതോണി: വിദേശമദ്യം ഓട്ടോറിക്ഷയില്‍ കൊണ്ടുനടന്ന് വില്‍പ്പന നടത്തിയ വന്ന ആളെ ഇടുക്കി എക്‌സൈസ് സംഘം അറസ്റ്റ്‌ചെയ്തു.
കഞ്ഞിക്കുഴി ചുരുളിയില്‍ കുഴിയാലില്‍ വീട്ടില്‍ അനൂപ് ചാക്കോ (28) ആണ് അറസ്റ്റിലായ്. കരിമ്പന്‍-ചേലച്ചുവട് റോഡില്‍ അട്ടിക്കളം ഭാഗത്ത് വച്ച് ഓട്ടോറിക്ഷയില്‍ വിറ്റുകൊണ്ടിരുന്ന 3 കുപ്പി വിദേശമദ്യവും 650 രൂപയും എക്‌സൈസ് കണ്ടെടുത്തു.
എക്‌സൈസ് ഇന്‍സ്‌പെക്ടര്‍ കെ ഡി സതീഷിന്റെ നേതൃത്വത്തില്‍ പ്രിവന്റീവ് ഓഫീസര്‍മാരായ ലിജോ ഉമ്മന്‍, ഡൊമനിക് വി ജെ, സിവില്‍ എക്‌സൈസ് ഓഫീസമാരായ കെ ആര്‍ സത്യന്‍, കെ ആര്‍ ബിജു, കെ കെ സജീവ്, വി സുമേഷ് എന്നിവരുടങ്ങുന്ന സംഘമാണ് പ്രതിയെ കസ്റ്റഡിയിലെടുത്തത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.