കൊച്ചി: തെരുവ് നായ മൂന്നര വയസുകാരിയുടെ ചെവി കടിച്ചെടുത്തു. വീടിനോട് ചേർന്ന് കളിക്കുന്നതിനിടെയാണ് സംഭവം. എറണാകുളം വടക്കൻ പറവൂർ നീണ്ടുരിലെ മൂന്നര വയസുകാരി നിഹാരയുടെ ചെവിയാണ് തെരുവ് നായ കടിച്ചെടുത്തത്. 

ഇന്ന് വൈകിട്ട് നാല് മണിയോടെയായിരുന്നു സംഭവം. ഗുരുതരമായി പരുക്കേറ്റ കുട്ടിയെ കളമശ്ശേരി മെഡിക്കൽ കോളജിൽ പ്രവേശിപ്പിച്ചു. 

കഴിഞ്ഞ ദിവസം ഗുരുവായൂരിലും സമാനമായ രീതിയിൽ തെരുവ് നായ ഒരാളുടെ ചെവി കടിച്ചെടുത്തിരുന്നു. പുല്ല് പറിക്കുന്നതിനിടെ വീട്ടമ്മയുടെ ചെവി തെരുവ് നായ കടിച്ചെടുക്കുകയായിരുന്നു. ഗുരുവായൂർ സ്വദേശി വഹീദയ്ക്കാണ് നായയുടെ കടിയേറ്റത്.