ഐസിസി വനിത ഏകദിന ലോകകപ്പിൽ ഓസ്‌ട്രേലിയക്കെതിരെ കൂറ്റൻ ടോട്ടലുമായി ഇന്ത്യ. വിശാഖപട്ടണത്ത് നടക്കുന്ന മത്സരത്തിൽ ആദ്യം ചെയ്ത ഇന്ത്യ 330 റൺസിന്റെ ടോട്ടൽ ആണ് ഇന്ത്യ അടിച്ചെടുത്തത്. സ്‌മൃതി മന്ദാനയും പ്രതീക റാവലും ചേർന്ന് മികച്ച തുടക്കമാണ് നൽകിയത്. ഇരുവരും ചേർന്ന് 155 റൺസിന്റെ പടുകൂറ്റൻ റൺസാണ് നേടിയത്.

മത്സരത്തിൽ ഇരുവരും അർദ്ധ സെഞ്ച്വറി നേടിയാണ് തിളങ്ങിയത്. 66 പന്തിൽ 80 റൺസ് നേടിയാണ് സ്‌മൃതി തിളങ്ങിയത്. ഒമ്പത് ഫോറുകളും മൂന്ന് കൂറ്റൻ സിക്സുകളും ആണ് താരം നേടിയത്. പ്രതീക റാവൽ 96 പന്തിൽ 75 റൺസും നേടി തിളങ്ങി. 10 ഫോറുകളും ഒരു സിക്സുമാണ് താരം നേടിയത്.  

നീണ്ട 57 വർഷങ്ങൾക്ക് ശേഷമാണ് ലോകകപ്പിൽ ഓസ്‌ട്രേലിയൻ വിമൺസ് ടീമിനെതിരെ ഒരു ടീമിന്റെ ഓപ്പണർമാർ 100+ റൺസിന്റെ കൂട്ടുകെട്ട് സൃഷ്ടിക്കുന്നത്. 1973ൽ ഇംഗ്ലണ്ട് താരങ്ങളായ എനിഡ്, ലിൻ എന്നിവരായിരുന്നു ഇതിന് മുമ്പ് ഓസ്‌ട്രേലിയക്കെതിരെ സെഞ്ച്വറി ഓപ്പണിങ് കൂട്ടുകെട്ട് നേടിയിരുന്നത്. 

ഇന്ത്യൻ നിരയിൽ ഹെർലിൻ ഡിയോ 42 പന്തിൽ 38 റൺസും ജമീമ റോഡ് 21 പന്തിൽ 30 3 റൺസും റിച്ചാ ഘോഷ് 22 പന്തിൽ 32 റൺസും നേടി ഇന്ത്യയുടെ കൂറ്റൻ ടോട്ടൽ പടുത്തുയർത്തുന്നതിൽ നിർണായകമായി. 

ഓസ്ട്രേലിയൻ ബൗളിങ്ങിൽ അഞ്ചു വിക്കറ്റുകൾ നേടി അന്നാബൽ സതർലാൻഡ് മിന്നും പ്രകടനമാണ് പുറത്തെടുത്തത്. സോഫി മോളിനക്സ് മൂന്ന് വിക്കറ്റുകളും സ്വന്തമാക്കി. 

ഇന്ത്യ പ്ലെയിങ് ഇലവൻ 

പ്രതീക റാവൽ, സ്‌മൃതി മന്ദാന, ഹർലീൻ ഡിയോൾ, ഹർമൻപ്രീത് കൗർ (ക്യാപ്റ്റൻ), ജെമീമ റോഡ്രിഗസ്, ദീപ്‌തി ശർമ്മ, റിച്ച ഘോഷ് (വിക്കറ്റ് കീപ്പർ), അമൻജോത് കൗർ, സ്നേഹ റാണ, ക്രാന്തി ഗൗഡ്, ശ്രീ ചരണി. 

ഓസ്‌ട്രേലിയ പ്ലെയിങ് ഇലവൻ

അലിസ്സ ഹീലി (ക്യാപ്റ്റൻ & വിക്കറ്റ് കീപ്പർ), ഫീബ് ലിച്ച്ഫീൽഡ്, എല്ലിസ് പെറി, ബെത്ത് മൂണി, അന്നബെൽ സതർലാൻഡ്, ആഷ്‌ലി ഗാർഡ്‌നർ, തഹ്ലിയ മക്ഗ്രാത്ത്, സോഫി മോളിനക്‌സ്, കിം ഗാർത്ത്, അലാന കിംഗ് മേഗൻ ഷട്ട്. 

India posted a huge total against Australia in the ICC Women's ODI World Cup. Smriti Mandhana and Pratik Rawal gave a good start. The two of them scored a huge 155 runs together. It is after a long 57 years that a team's openers have put on a 100+ run partnership against the Australian Women's team in the World Cup.