ചെറിയ കാറുകളുടെ വിഭാഗത്തിൽ മൈലേജ് കൊണ്ട് വിപ്ലവം സൃഷ്ടിച്ച മോഡലാണ് മാരുതി സുസുക്കി സെലേറിയോ. ഒരു കാലത്ത് ഇന്ത്യൻ വാഹന വിപണിയിൽ തരംഗമായിരുന്നു മോഡലും കൂടിയായിരുന്നുവെന്ന് പറയാം. ടോൾബോയ് ഡിസൈനും വിശാലമായ ഇന്റീരിയറും 1.0 ലിറ്റർ പെട്രോൾ എഞ്ചിനുമായാണ് വിപണിയിൽ എത്തിയിരുന്നത്. പ്രധാനമായും ഈ ഹാച്ച്ബാക്ക് കുടുംബങ്ങൾക്ക് പ്രിയങ്കരമായി മാറുകയും ചെയ്തു. ഫാമിലിക്ക് വേണ്ടി വാഹനം വാങ്ങുന്ന പലരുടെയും ആദ്യ ഓപ്ഷൻ സെലേറിയോ ആയിരുന്നു.

ALSO READ: ശസ്ത്രക്രിയ പിഴവ്: യുവതിയുടെ നെഞ്ചിൽ ഗൈഡ് വയർ കുടുങ്ങിയ സംഭവം: ഡോക്ടർക്കെതിരെ കേസെടുത്ത് പൊലിസ്

എന്നാൽ, ഇന്ന് ഈ മോഡലിന്റെ വിൽപ്പനയിൽ കാര്യമായ ഇടിവാണ് രേഖപ്പെടുത്തുന്നത്. ഈ വർഷം ജൂലൈയിൽ വെറും 1,392 യൂണിറ്റുകൾ മാത്രമാണ് വിറ്റഴിഞ്ഞത്. കഴിഞ്ഞ വർഷം ജൂലൈയിലെ 2,465 യൂണിറ്റുകളുമായി താരതമ്യം ചെയ്യുമ്പോൾ 43.53 ശതമാനം ഇടിവാണ് രേഖപ്പെടുത്തിയിരിക്കുന്നത്.

ALSO READ: ടിവിഎസ് ഓർബിറ്റർ vs ഏഥർ റിസ്ത: ഈ ഓണത്തിന് ഏത് ഇല്ക്ടിക് സ്കൂട്ടർ വാങ്ങാം?

സെലേറിയോയുടെ എഎംടി (ഓട്ടോമേറ്റഡ് മാനുവൽ ട്രാൻസ്മിഷൻ) ഗിയർബോക്‌സ് സ്ത്രീകൾക്ക് വലിയ പ്രിയമായിരുന്നു. ക്ലച്ച്‌ലെസ് ഡ്രൈവിങ് അനുഭവം ചെറിയ കാറുകളുടെ വിഭാഗത്തിൽ ജനപ്രിയമാക്കിയത് സെലേറിയോയാണ് എന്ന് നിസ്സംശയം പറയാം. എന്നാൽ, പുതിയ തലമുറ മോഡലിന്റെ ഡിസൈനിലുള്ള മാറ്റങ്ങൾ പലർക്കും അംഗീകരിക്കാൻ കഴിഞ്ഞിട്ടില്ല. ഇപ്പോഴും സ്ത്രീകൾ തന്നെയാണ് ഈ കാർ കൂടുതലായി വാങ്ങുന്നത്. എന്നിട്ടും വിൽപ്പന കുറയുന്നത് മാരുതി സുസുക്കിക്കിടയിൽ വലിയ ആശങ്കയാണ്.

ALSO READ: സുസുക്കി ആക്സസിന് ഇലക്ട്രിക് പതിപ്പ്: 95 കിലോമീറ്റർ റേഞ്ചുമായി ഇ-ആക്സസ് വിപണിയിലേക്ക്

 

 

പ്രതിമാസ വിൽപ്പനയിലും ഇടിവ്

ഈ വർഷം ജൂണിൽ 2,038 യൂണിറ്റുകൾ വിറ്റഴിഞ്ഞ സെലേറിയോ, ജൂലൈയിൽ 1,392 യൂണിറ്റുകളിലേക്ക് കൂപ്പുകുത്തുകയും ചെയ്തു. 31.70 ശതമാനം ഇടിവാണ് രേഖപ്പെടുത്തിയത്. ഈ ഹാച്ച്ബാക്ക്, 6 എയർബാഗുകൾ, മോഡുലാർ ഹാർട്ട്ടെക്റ്റ് പ്ലാറ്റ്ഫോം, 1.0 ലിറ്റർ K-സീരീസ് എഞ്ചിൻ എന്നിവയുമായാണ് വിപണിയിൽ എത്തുന്നത്. 5.64 ലക്ഷം മുതൽ 7.37 ലക്ഷം രൂപ വരെയാണ് സെലേറിയോയുടെ എക്സ്ഷോറൂം വില.

 

 

മൈലേജ്, എഞ്ചിൻ, വേരിയന്റുകൾ

66 bhp പവറും 89 Nm torque-ഉം നൽകുന്ന K-സീരീസ് പെട്രോൾ എഞ്ചിൻ 5-സ്പീഡ് മാനുവലോ എഎംടി ട്രാൻസ്മിഷനോടോ കൂടി ലഭ്യമാണ്. സിഎൻജി ഓപ്ഷനിൽ 56 bhp പവറും 82.1 Nm torque-ഉം ലഭിക്കും. മൈലേജിന്റെ കാര്യത്തിൽ, പെട്രോൾ മാനുവലിന് 24.8 കിലോമീറ്ററും, എഎംടിക്ക് 25.75 കിലോമീറ്ററും, സിഎൻജി വേരിയന്റിന് 32.85 കിലോമീറ്ററും ലഭിക്കും. LXI, VXI, ZXI, ZXI+ എന്നീ നാല് വേരിയന്റുകളിലാണ് സെലേറിയോ ലഭ്യമാകുന്നത്.

കമ്പനി ഉത്സവ സീസൺ പ്രതീക്ഷയിൽ 

വിൽപ്പനയിലെ കനത്ത ഇടിവ് മാരുതി സുസുക്കിയെ ആശങ്കയിലാഴ്ത്തുമ്പോൾ, ഉത്സവ സീസൺ വിൽപ്പന മെച്ഛപ്പെടുത്തുമെന്നാണ് കമ്പനിയുടെ പ്രതീക്ഷ. ചെറുകാർ വിഭാഗത്തിൽ മികച്ച മൈലേജും സുരക്ഷയും വാഗ്ദാനം ചെയ്യുന്ന സെലേറിയോയ്ക്ക് വിപണിയിൽ വീണ്ടും തിളങ്ങാൻ കഴിയുമോ എന്നാണ് എല്ലാവരും ഉറ്റുനോക്കുന്നത്.

Despite boasting 32.85 km mileage and 6 airbags, Maruti Suzuki's family-friendly Celerio hatchback has seen a sharp 43.53% sales drop in July 2025, with only 1,392 units sold compared to 2,465 the previous year. Popular among women for its AMT gearbox, the car's new design and declining sales worry India's top automaker