ദുബൈ: വേനൽക്കാലത്തിനും ഓണം സീസണും ശേഷം ഇന്ത്യ-യുഎഇ റൂട്ടുകളിലെ വിമാന ടിക്കറ്റ് നിരക്കിൽ വൻ ഇടിവ്. നിലവിൽ കേരളത്തിലേക്ക് 155 ദിർഹത്തിനടക്കം വിമാന ടിക്കറ്റുകൾ ലഭ്യമാണെന്ന് ട്രാവൽ ഏജൻസികൾ പറയുന്നു. നിലവിൽ ഇന്ത്യ-യുഎഇ റൂട്ടിൽ യാത്രക്കാരുടെ എണ്ണം താരതമ്യേന കുറവാണെന്നും ഇതാണ് ടിക്കറ്റ് നിരക്കിൽ വൻ ഇടിവ് സംഭവിക്കാനും കാരണമെന്നും ട്രാവൽ ഏജൻസികൾ വ്യക്തമാക്കി. ടിക്കറ്റ് നിരക്ക് താഴ്ന്നതോടെ വരും ദിവസങ്ങളിൽ വൻ തോതിൽ ബുക്കിംഗ് ഉണ്ടാകുമെന്നാണ് കരുതുന്നത്. 

ALSO READ: യുഎഇയിലെ അഞ്ചാമത്തെ സ്റ്റോർ തുറന്ന് ആപ്പിൾ; അൽ ഐനിലെ ആദ്യത്തെത് | Apple Store in Al Ain 

'നിലവിൽ 155 ദിർഹത്തിന് വൺവേ ടിക്കറ്റുകൾ ലഭ്യമാണ്, എന്നാൽ ടിക്കറ്റ് വാങ്ങാൻ ആളില്ല, ഡിമാന്റ് വളരെയധികം കുറവാണ്. സ്‌കൂളിൽ പോകുന്ന കുട്ടികൾ ഉള്ളതിനാൽ ഈ സമയത്ത് പൊതുവേ കുടുംബങ്ങൾ യാത്ര ചെയ്യാറില്ല,' സ്മാർട്ട് ട്രാവൽസിന്റെ ചെയർമാൻ അഫി അഹമ്മദ് പറഞ്ഞു.

ദുബൈയിൽ നിന്നും വിവിധ ഇന്ത്യൻ നഗരങ്ങളിലേക്കുള്ള വിമാന ടിക്കറ്റും നിലവിൽ കുറഞ്ഞ വിലയിൽ ലഭ്യമാണ്. ദുബൈയിൽ നിന്ന് കൊച്ചിയിലേക്കുള്ള വൺവേ ടിക്കറ്റിന് 223 ദിർഹവും മുംബൈയിലേക്കുള്ള ടിക്കറ്റിന് 295 ദിർഹവും തിരുവനന്തപുരത്തേക്കുള്ള ടിക്കറ്റിന് 250 ദിർഹവും ചെന്നൈയിലേക്കുള്ള ടിക്കറ്റിന് 356 ദിർഹവുമാണ് നിലവിൽ ഈടാക്കുന്നത്. 

'സാധാരണ ഈ സമയത്ത് ഇന്ത്യയിലേക്കുള്ള വിമാന ടിക്കറ്റിന് ഡിമാന്റ് ഉണ്ടാകാറുണ്ട്, എന്നാൽ ഈ വർഷം ഡിമാന്റ് വളരെയധികം കുറഞ്ഞിരിക്കുന്നു,' അഫി അഹമ്മദ് പറഞ്ഞു.

സ്‌കൂളുകളിൽ പഠിക്കുന്ന കുട്ടികളുള്ള കുടുംബങ്ങളാണ് ഇക്കാലയളവിൽ പ്രധാനമായും യാത്ര ഒഴിവാക്കുന്ന വിഭാഗമെന്ന് യാത്രാ വ്യവസായ മേഖലയിലെ വിദഗ്ധർ അഭിപ്രായപ്പെടുന്നു. ഈ മാറ്റം അസാധാരണമായ അവസ്ഥാവിശേഷത്തിനാണ് വഴിയൊരുക്കിയിരിക്കുന്നത്. 

'ഇപ്പോൾ കൂടുതൽ കുടുംബങ്ങളും യാത്ര ചെയ്യുന്നില്ല, ഔട്ട്ബൗണ്ട് ഡിമാന്റ് ശരിക്കും ദുർബലമാണ്, എന്നാലും ഇന്ത്യയിൽ നിന്ന് യുഎഇയിലേക്കുള്ള ഇൻബൗണ്ട് ഡിമാന്റ് യഥാർത്ഥത്തിൽ വർധിച്ചുകൊണ്ടിരിക്കുകയാണ്' അരൂഹ ട്രാവൽസിലെ റാഷിദ് അബ്ബാസ് പറഞ്ഞു.

ALSO READ: 15 കിലോമീറ്റർ നീളത്തിൽ ഡ്രൈവർ രഹിത യാത്രാമേഖല; ​ഗതാ​ഗത മേഖലയിൽ പുതിയ പദ്ധതിയുമായി ദുബൈ ആർടിഎ 

യുഎഇയിൽ നിന്ന് നാട്ടിലേക്കുള്ള ടിക്കറ്റ് നിരക്കിൽ കുറവുണ്ടെങ്കിലും നാട്ടിൽ നിന്ന് യുഎഇയിലേക്കുള്ള വിമാന ടിക്കറ്റ് നിരക്ക് ഇപ്പോഴും വർധിച്ചുതന്നെയാണ്. ഇതാണ് പ്രവാസികളെ നാടണയുന്നതിൽ നിന്ന് തടയുന്നതെന്നാണ് റിപ്പോർട്ടുകൾ.

സ്കൂൾ അവധി ദിനങ്ങളും ദീപാവലി ഉത്സവ കാലവും ഒത്തുചേരുന്നതോടെ ഒക്ടോബർ മാസത്തിൽ യാത്രക്കാരുടെ എണ്ണത്തിൽ വർധനവ് ഉണ്ടാകുമെന്ന് ട്രാവൽ ഏജന്റുമാർ പ്രതീക്ഷിക്കുന്നത്. 

"ദീപാവലി സമയത്ത് സ്കൂൾ അവധിയായതിനാൽ ഒക്ടോബറിൽ പുറത്തേക്കുള്ള യാത്രാ ആവശ്യകത വർദ്ധിക്കുമെന്ന് പ്രതീക്ഷിക്കുന്നു, ദീപാവലിക്കുശേഷം യാത്രയ്ക്കായി മുൻകൂർ ബുക്കിംഗുകൾ വരുന്നുണ്ട്, ഇന്ത്യയിലേക്കുള്ള ടിക്കറ്റുകൾക്ക് ഡിമാന്റ് വർദ്ധിക്കും." അഫി അഹമ്മദ് പറഞ്ഞു. 

expatriates can take advantage of a fantastic offer with flight tickets from the uae to kerala priced at just 155 dirham, making travel to their homeland more affordable and accessible.