ആലുവ: എറണാകുളം ആലുവയില്‍ തെങ്ങ് ദേഹത്ത് വീണ് വിദ്യാര്‍ഥിക്ക് ദാരുണാന്ത്യം. തോട്ടക്കാട്ടുകര ഹോളി ഗോസ്റ്റ് കോണ്‍വന്റ് സ്‌കൂളിലെ ഏഴാം ക്ലാസ് വിദ്യാര്‍ഥി ആലങ്ങാട് വയലക്കാട് വീട്ടില്‍ സുധീറിന്റെയും സബിയയുടെയും മകന്‍ മുഹമ്മദ് സിനാനാണ് (12) മരിച്ചത്. ഇന്നലെ ഉച്ചയ്ക്ക് 12 നാണ് സംഭവം. 

READ MORE: ഒരു കാള യുവതിയെ പിന്നില്‍ നിന്നും ഒരൊറ്റ കുത്ത്; ആളുയരത്തില്‍ ഉയര്‍ന്നു പൊങ്ങി നിലത്തടിച്ചു വീണ് യുവതി - ഭയപ്പെടുത്തുന്ന സിസിടിവി ദൃശ്യങ്ങള്‍

ഉണങ്ങി നിന്നിരുന്ന തെങ്ങിനുള്ളിലെ പൊത്തില്‍നിന്ന് തത്തയെ പിടിക്കാന്‍ ശ്രമിക്കുന്നതിനിടെയാണ് സിനാന്റെ ദേഹത്തേക്ക് തെങ്ങ് മറിഞ്ഞുവീണത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം കളമശേരി മെഡിക്കല്‍ കോളജിലേക്കു മാറ്റി. പോസ്റ്റ്മോര്‍ട്ടത്തിനുശേഷം ബന്ധുക്കള്‍ക്കു വിട്ടുകൊടുക്കുമെന്ന് പൊലിസ് അറിയിച്ചു. 

സിനാന്റെ മരണത്തില്‍ പൊതുവിദ്യാഭ്യാസ വകുപ്പ് മന്ത്രി വി.ശിവന്‍കുട്ടി ദുഃഖം രേഖപ്പെടുത്തി.

English Summary: A tragic incident occurred in Aluva, Ernakulam, where a 12-year-old boy named Muhammad Sinan lost his life after a dried palm tree fell on him. The boy, a 7th-grade student of Holy Ghost Convent School, Thottakkattukara, was attempting to catch a parrot nesting inside the hollow of the tree when the incident happened around noon yesterday.