ഇസ്‌ലാമാബാദ്: പാകിസ്താനിലെ ബലൂചിസ്താന്‍ പ്രവിശ്യയിലെ ക്വറ്റയിലുണ്ടായ സ്‌ഫോടനത്തില്‍ 13 പേര്‍ കൊലപ്പെട്ടു. 32 പേര്‍ക്ക് പരുക്കേറ്റു. 

ക്വറ്റയിലെ സര്‍ഗൂന്‍ റോഡിലുള്ള പാകിസ്താന്‍ അര്‍ധസൈനിക വിഭാഗമായ എഫ്.സി( ഫ്രോണ്ടിയര്‍ കോര്‍പ്‌സ്)ആസ്ഥാനത്തിന് സമീപമാണ് സ്‌ഫോടനമുണ്ടായത്. ഉഗ്രശബ്ദത്തോടെയാണ് സ്ഥലത്ത് സ്‌ഫോടനം ഉണ്ടായത്. സമീപത്തെ വീടുകളുടേയും കെട്ടിടങ്ങളുടേയും ജനാലകള്‍ തകര്‍ന്നതായും പാക് മാധ്യമങ്ങള്‍ റിപ്പോര്‍ട്ട് ചെയ്തു. തൊട്ടു പിന്നാലെ പ്രദേശത്ത് നിന്ന് വെടിയൊച്ച കേട്ടതായും റിപ്പോര്‍ട്ടുകളുണ്ട്. 

ALSO READ: ഹമാസിന് റോളുകളില്ലാത്ത, യു.എസിന്റെ മേല്‍നോട്ടത്തിലുള്ള ഭരണകൂടം നയിക്കുന്ന, ഇസ്‌റാഈലിന് ഭീഷണികളില്ലാത്ത ഗസ്സ; ട്രംപിന്റെ 20 ഇന പദ്ധതിയിലെ ഫലസ്തീന്‍ രാഷ്ട്രം ഇങ്ങനെ
സ്ഫോടനം നടക്കുന്നതിന്റെ സി.സി.ടിവി ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്. സംഭവത്തില്‍ പരുക്കേറ്റവരെ അടുത്തുള്ള ആശുപത്രിയിലേക്ക് മാറ്റി. സൈന്യവും പൊലിസും നഗരത്തിലാകെ സുരക്ഷയും നിരീക്ഷണവും ശക്തമാക്കിയിട്ടുണ്ട്.