പാലക്കാട്: കല്ലടിക്കോട് രണ്ട് പേര്‍ വെടിയേറ്റ് മരിച്ച നിലയില്‍ . ബിനു(43), നിതിന്‍ (26) എന്നിവരാണ് മരിച്ചത്.  ഇരുവരും അയല്‍വാസികളാണ്. നിതിന്‍ ബിനുവിനെ കൊലപ്പെടുത്തിയശേഷം നിതിന്‍ സ്വയം നിറയൊഴിച്ചതാണെന്നാണ് പ്രാഥമിക നിഗമനം. പൊലിസ് സ്ഥലത്തെത്തി പരിശോധന തുടരുന്നു. ഇന്ന് വൈകീട്ട് മൂന്ന് മണിയോടെയാണ് സംഭവം. 

ജില്ലാ പൊലീസ് മേധാവി അജിത് കുമാർ സംഭവസ്ഥലത്ത് എത്തിയിട്ടുണ്ട്. കല്ലടിക്കോട് പൊലീസ് സ്ഥലത്തെത്തി പരിശോധന ആരംഭിച്ചു. യുവാക്കൾ തമ്മില്‍ എന്തെങ്കിലും തരത്തിലുള്ള വൈരാഗ്യം ഉള്ളതായി അറിയില്ലെന്നാണ് പ്രദേശവാസികൾ പറയുന്നത്. പ്രദേശവാസിയായ അനു എന്നയാൾ ജോലികഴിഞ്ഞ് നടന്നു വരുമ്പോഴാണ് ബിനു റോഡില്‍ മരിച്ചു കിടക്കുന്നതായി കണ്ടത്.