തിരുവനന്തപുരം: ടിപി ചന്ദ്രശേഖരന്‍ വധക്കേസിലെ പ്രതികള്‍ക്കായി അസാധാരണ നീക്കവുമായി ജയില്‍ വകുപ്പ്. ടിപി വധക്കേസിലെ പ്രതികളെ വിടുതല്‍ ചെയ്യുന്നതില്‍ ഏതെങ്കിലും തരത്തിലുള്ള സുരക്ഷാപ്രശ്‌നങ്ങളുണ്ടോയെന്ന് ചോദിച്ച് ജയില്‍ ആസ്ഥാനത്ത് നിന്ന് കത്ത് അയച്ചു. എല്ലാ ജയില്‍ സൂപ്രണ്ടുമാര്‍ക്കുമാണ് കത്തയച്ചിരിക്കുന്നത്. 

എന്നാല്‍, പ്രതികളെ ജയിലില്‍ നിന്ന് എന്നന്നേക്കുമായി വിട്ടയക്കുന്നതിനാണോ അതോ പരോള്‍ നല്‍കുന്നതില്‍ ആണോ എന്ന് കത്തില്‍ വ്യക്തമാക്കിയിട്ടില്ല. 

അതേസമയം, ഇക്കാര്യത്തില്‍ വിശദീകരണവുമായി ജയില്‍ എ.ഡി.ജി.പി രംഗത്തെത്തി. കത്തില്‍ അസ്വഭാവികതയില്ലെന്നും പ്രതികളെ വിട്ടയക്കാനുള്ള കത്തല്ലെന്നും എ.ഡി.ജി.പി ബല്‍റാംകുമാര്‍ ഉപധ്യായ വ്യക്തമാക്കി. 

മഹാരി ഇരട്ടക്കൊല കേസിലെ പ്രതികളെ നേരത്തെ വെറുതേ വിട്ടിരുന്നു. ഈ കേസിലെ പ്രതികളില്‍ മൂന്നുപേര്‍ ടി.പി കേസിലും പ്രതികളാണ്. അതേസമയം, ടി.പി കേസിലെ പ്രതികളെ 20 വര്‍ഷത്തേക്ക് വിട്ടയക്കരുതെന്നും കോടതി ഉത്തരവിട്ടിരുന്നു. ഈ സാഹചര്യത്തിലാണ് ഇവര്‍ പരോളിലിറങ്ങുമ്പോള്‍ സുരക്ഷാ പ്രശ്‌നമുണ്ടോയെന്ന് അന്വേഷിച്ച് കത്ത് അയച്ചതെന്നാണ് വിശദീകരണം. 

English Summary: In an unusual move, the Kerala Prison Department has sent letters to all jail superintendents asking whether there are any security concerns related to the release of convicts in the T.P. Chandrasekharan murder case. The letter, issued from the prison headquarters, does not clarify whether it pertains to permanent release or parole.