മലപ്പുറം: മലപ്പുറം അരീക്കോട് ചാലിയാർ പുഴയിൽ കുളിക്കാനിറങ്ങിയ യുവാവ് മുങ്ങി മരിച്ചു. കണ്ണൂർ സ്വദേശി ഉജിത്ത് (32) ആണ് മരിച്ചത്. കെട്ടിട നിർമ്മാണ തൊഴിലാളിയായിരുന്ന ഇദേഹം പുഴയിൽ കുളിക്കുന്നതിനിടെയാണ് അപകടം സംഭവിച്ചത്.

ഇന്നലെ ഉച്ചയോടെയാണ് ചാലിയാർ പുഴയിൽ ഉജിത്ത് കുളിക്കാനിറങ്ങിയത്. എന്നാൽ ശക്തമായ ഒഴുക്കിൽപ്പെട്ട ഉജിത്തിനെ സമീപത്തുണ്ടായിരുന്നവരും ടി.ഡി.ആർ.എഫ് (TDRF) വളണ്ടിയർമാരും ചേർന്ന് ഉടൻതന്നെ രക്ഷാപ്രവർത്തനം നടത്തിയെങ്കിലും ഫലമുണ്ടായില്ല

ഉജിത്തിനെ ഉടൻ പുഴയിൽ നിന്നും പുറത്തെടുത്ത് അരീക്കോട് താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തുടർ നടപടികൾക്കായി മൃതദേഹം മഞ്ചേരി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിരിക്കുകയാണ്

A young man from Kannur, identified as Ujith, drowned in the Chaliyar river near Areekode, Malappuram, after being caught in the strong currents while swimming. The construction worker was rushed to the Areekode Taluk Hospital by locals and TDRF volunteers, but could not be saved. His body has been moved to Manjeri Medical College.