കൊച്ചി: തിരുവല്ലയില്‍ 19 കാരിയെ തീകൊളുത്തി കൊലപ്പെടുത്തിയ കേസില്‍ പ്രതി കുമ്പനാട് കടപ്ര കാരാളില്‍ അജിന്‍ റെജി മാത്യു(18) കുറ്റക്കാരനെന്ന് കോടതി. ശിക്ഷാവിധി മറ്റന്നാള്‍. അയിരൂര്‍ ചെരുവില്‍ കിഴക്കേമുറിയില്‍ വിജയകുമാറിന്റെ മകള്‍ കവിത വിജയകുമാറാ(19)ണ് കൊലപ്പെട്ടത്. 

2019 മാര്‍ച്ച് 12 നാണ് സംഭവം നടന്നത്. പെണ്‍കുട്ടിയെ നടുറോഡില്‍ കുത്തിവീഴ്ത്തിയശേഷം പെട്രോളൊഴിച്ച് കത്തിക്കുകയായിരുന്നു. പ്രണയാഭ്യര്‍ഥന നിരസിച്ചതിനാലാണ് അക്രമിച്ചതെന്നാണ് ഇയാള്‍ പൊലിസിനോടു പറഞ്ഞത്. 

കോളജിലേക്ക് നടന്നുപോകുകയായിരുന്ന പെണ്‍കുട്ടിയെ പിന്നിലൂടെവന്ന് കുത്തിയശേഷം പെട്രോള്‍ ശരീരത്തിലേക്ക് ഒഴിച്ച് സിഗരറ്റ് ലൈറ്റര്‍ ഉപയോഗിച്ച് തീകൊളുത്തുകയായിരുന്നു. സമീപത്തുണ്ടായിരുന്നവര്‍ തടയാന്‍ ശ്രമിച്ചെങ്കിലും കഴിഞ്ഞില്ല. ആളിപ്പടര്‍ന്ന തീ വെള്ളമൊഴിച്ച് നാട്ടുകാര്‍ കെടുത്തിയെങ്കിലും പെണ്‍കുട്ടിക്ക് മാരകമായി പൊള്ളലേറ്റിരുന്നു. 65 ശതമാനം പൊള്ളലേറ്റ കവിതയെ ആശുപത്രിയില്‍ പ്രവേശിപ്പിച്ചെങ്കിലും മരിച്ചു.