മനാമ: ബഹ്‌റൈനില്‍ പ്രവാസികള്‍ക്ക് തിരിച്ചടിയായി, സര്‍ക്കാര്‍ ആശുപത്രികളികള്‍ വിദേശികള്‍ക്ക് ഫീസ് വര്‍ധിപ്പിക്കാനുള്ള നിര്‍ദേശത്തിന് പാര്‍ലമെന്റിന്റെ അംഗീകാരം. സ്വകാര്യ മേഖലയിലെ നിരക്കുകള്‍ക്ക് സാമ്യമുള്ള നിരക്കുകള്‍ ഏര്‍പ്പെടുത്താനുള്ള നിര്‍ദേശത്തിന് എം.പിമാര്‍ ഏകകണ്ഠമായി അംഗീകാരം നല്‍കി. പൊതു/സര്‍ക്കാര്‍ ആശുപത്രികളില്‍ ലഭിക്കുന്ന സേവനങ്ങള്‍ക്കനുസൃതമായി പ്രവാസികള്‍ ഫീസ് നല്‍കുന്നുണ്ടെന്ന് ഉറപ്പാക്കണമെന്നതാണ് നിര്‍ദേശത്തിന്റെ കാതല്‍.

നിലവിലെ ഫീസ് സേവനങ്ങളുടെ യഥാര്‍ത്ഥ വിലയെ പ്രതിഫലിപ്പിക്കുന്നില്ലെന്നും ഇത് രാജ്യത്തിന്റെ ബജറ്റില്‍ ഗണ്യമായ സാമ്പത്തിക ഭാരം സൃഷ്ടിക്കുന്നുവെന്നും എംപിമാര്‍ പറഞ്ഞു. 'പ്രതീകാത്മക' നിരക്കില്‍ ബഹ്‌റൈന്‍ ഇതരര്‍ക്ക് ആരോഗ്യ സംരക്ഷണം നല്‍കുമ്പോള്‍ ആരോഗ്യ മന്ത്രാലയം ഉയര്‍ന്ന ചെലവുകള്‍ വഹിക്കേണ്ടി വരികയാണ്.
ആരോഗ്യ പരിരക്ഷാ ഫീസ് പരിഷ്‌കരിക്കുന്നത് പൊതു ചെലവ് യുക്തിസഹമാക്കാനും പരോക്ഷ സബ്‌സിഡികള്‍ കുറയ്ക്കാനും സാമ്പത്തിക സന്തുലിതാവസ്ഥ കൈവരിക്കാനുള്ള സര്‍ക്കാരിന്റെ ശ്രമങ്ങളെ പിന്തുണയ്ക്കാനും സഹായിക്കുമെന്ന് എംപിമാര്‍ പറഞ്ഞു.

വര്‍ദ്ധിച്ച ഫീസ് പ്രവാസികളെയും സന്ദര്‍ശകരെയും സ്വകാര്യ ആരോഗ്യ പരിരക്ഷാ ദാതാക്കളിലേക്ക് തിരിയാന്‍ പ്രോത്സാഹിപ്പിക്കുമെന്നും പൊതു സൗകര്യങ്ങളിലെ തിരക്ക് ലഘൂകരിക്കാനും മൊത്തത്തിലുള്ള സേവന വിതരണം മെച്ചപ്പെടുത്താനും സഹായിക്കുമെന്നും എംപിമാര്‍ പറഞ്ഞു. 

സ്ട്രാറ്റജിക് തിങ്കിംഗ് ബ്ലോക്ക് വക്താവ് ഖാലിദ് സാലിഹ് ബുവാംഗ്, മുഹമ്മദ് യൂസഫ് അല്‍ മാരിഫി, സൈനബ് അബ്ദുല്‍മിര്‍ ഖലീല്‍, അഹമ്മദ് സബാഹ് അല്‍ സലൂം, ഹെഷാം അബ്ദുല്‍ അസീസ് അല്‍ അവാദി എന്നിവരാണ് പ്രമേയം സമര്‍പ്പിച്ചത്.അഞ്ച് എംപിമാരാണ് ഈ നിര്‍ദേശം മുന്നോട്ടു വെച്ചത്. നിര്‍ദേശം മന്ത്രി സഭയുടെ അവലോകനത്തിനായി അയച്ചു. 

ALSO READ: ബഹ്‌റൈന്‍: കുടുംബത്തെ കൊണ്ടുവരാനുള്ള മിനിമം ശമ്പളം 2.35 ലക്ഷം രൂപയാക്കി; നിര്‍ദേശത്തിന് പാര്‍ലമെന്റ് അംഗീകാരം

A group of Bahraini Members of Parliament have submitted an urgent proposal calling for an increase in the fees for all health services provided to non-Bahraini workers and visitors across the Kingdom. The proposal aims to enhance the operational efficiency and financial sustainability of the Kingdom’s public healthcare institutions.