ഈ അവധിക്കാലത്ത് ഒരു വിനോദയാത്ര പോയാലോ? വിഷമിക്കേണ്ട, യാത്ര പ്ലാൻ ചെയ്യാൻ ഇപ്പോഴും വൈകിയിട്ടില്ല. യുഎഇ നിവാസികൾക്കും പൗരന്മാർക്കും നിരവധി രാജ്യങ്ങളിൽ വിസയില്ലാതെ പ്രവേശിക്കാം. കൂടാതെ, ചില രാജ്യങ്ങളിൽ വിസ ഓൺ അറൈവൽ സൗകര്യവും ലഭ്യമാണ്. നിങ്ങൾ ഒരു യുഎഇ നിവാസിയോ, യുഎഇ പൗരനോ ആവട്ടെ നിങ്ങൾക്ക് വിസയില്ലാതെ യാത്ര ചെയ്യാനാവുന്ന ചില രാജ്യങ്ങളാണ് ഇവിടെ പരിചയപ്പെടുത്തുന്നത്. 

അർമേനിയ

ഭൂമിശാസ്ത്രപരമായി ചെറുതാണെങ്കിലും നിരവധി കാഴ്ചകളാൽ സമ്പന്നമാണ് അർമേനിയ. തലസ്ഥാനമായ യെറിവാൻ പഴമയും - പുതിമയും ഒത്തുചേരുന്ന വാസ്തുവിദ്യയുടെ മനോഹരമായ സംഗമമാണ് സന്ദർശകർക്ക് വാ​ഗ്ദാനം ചെയ്യുന്നത്. 

• ദുബൈയിൽ നിന്നുള്ള യാത്രാസമയം: ഏകദേശം 3 മണിക്കൂർ 20 മിനിറ്റ്.

ടിബിലിസി, ജോർജിയ

ചരിത്ര പഠനത്തിനും ഫുഡ് ടൂറിസത്തിനും ഒരേപോലെ അവസരം നൽകുന്ന ഇടമാണ് ടിബിലിസി. ക്രോണിക്കിൾസ് ഓഫ് ജോർജിയ സന്ദർശിക്കുന്നത് രാജ്യത്തിന്റെയും ക്രിസ്തുമതത്തിന്റെയും ചരിത്രത്തിലേക്ക് വെളിച്ചം വീശും. ഗ്രീക്ക്, റഷ്യൻ, മിഡിൽ ഈസ്റ്റ് സംസ്കാരങ്ങളുടെ ഒരു സംയോജനം ഇവിടെ കാണാൻ സാധിക്കും.

• ദുബൈയിൽ നിന്നുള്ള യാത്രാസമയം: ഏകദേശം 3 മണിക്കൂർ 30 മിനിറ്റ്.

ALSO READ: ഷാർജ പൊലിസിന്റെ പദ്ധതികൾ ഫലം കണ്ടു: റോഡപകട മരണങ്ങൾ കുത്തനെ കുറഞ്ഞു

മാലിദ്വീപ്

സൂര്യരശ്മികളാൽ തിളങ്ങുന്ന കടൽത്തീരവും മണൽപരപ്പും ഒരു മികച്ച അനുഭവമാണ്. കൂടാതെ, നിങ്ങൾക്ക് സമുദ്രജീവികളുടെ ലോകത്തേക്ക് ഒരു എത്തിനോട്ടത്തിനും അവസരം ലഭിക്കും.

നിരവധി കടൽ കാഴ്ചകൾ ഇവിടെ നിങ്ങളെ കാത്തിരിക്കുന്നു. മാൻ്റ റേകൾ നിങ്ങളുടെ അരികിലൂടെ നീന്തി നീങ്ങുന്നത് ഇവിടെ കാണാം. കൂടാതെ, സ്രാവുകളുടെ പല്ലുകൾ കാണാനുള്ള സാധ്യതയുമുണ്ട്.

• ദുബൈയിൽ നിന്നുള്ള യാത്രാസമയം: ഏകദേശം 4 മണിക്കൂർ 15 മിനിറ്റ്.

കെനിയ

മൃഗങ്ങളെ ഇഷ്ടപ്പെടുന്നവർക്ക് പറ്റിയ സ്ഥലമാണ് കെനിയ. ഡിസംബർ മാസം പൊതുവേ അന്തരീക്ഷം തണുപ്പുള്ളതായിരിക്കും, അത് ഹൈക്കിങ്ങിനും സഫാരി പോലെയുള്ള ഔട്ട്‌ഡോർ പ്രവർത്തനങ്ങൾക്കും അനുയോജ്യമാണ്.

ശ്രദ്ധിക്കുക: കെനിയയിൽ വിസ ആവശ്യമില്ല. എന്നാൽ, ഇലക്ട്രോണിക് ട്രാവൽ ഓതറൈസേഷൻ (eTA) നിർബന്ധമാണ്. യാത്ര പുറപ്പെടുന്നതിന് കുറഞ്ഞത് 72 മണിക്കൂർ മുൻപെങ്കിലും ഇതിനായി അപേക്ഷിച്ചിരിക്കണം.

• ദുബൈയിൽ നിന്നുള്ള യാത്രാസമയം: ഏകദേശം 5 മണിക്കൂർ 15 മിനിറ്റ്.

തായ്‌ലൻഡ്

രുചികരമായ ഭക്ഷണത്തിനും ഷോപ്പിങ്ങിനും ഏറ്റവും മികച്ച സ്ഥലമാണ് തായ്‌ലൻഡ്. 

ബാങ്കോക്ക്: ഷോപ്പിംഗ് പ്രേമികൾക്ക് ഇവിടം ഏറെ പ്രിയപ്പെട്ടതാണ്. 

ചിയാങ് മായി (Chiang Mai): ഇവിടെയുള്ള എലിഫന്റ് ജംഗിൾ സാങ്ച്വറിയിൽ ആനകളെ കാണാനും അവക്ക് ഭക്ഷണം നൽകാനും അവസരമുണ്ട്.

• ദുബൈയിൽ നിന്നുള്ള യാത്രാസമയം: ഏകദേശം 6 മണിക്കൂർ.

ബാക്കു, അസർബൈജാൻ

കുട്ടികളുമായി യാത്ര ചെയ്യുന്നവർക്ക് മികച്ച അനുഭവങ്ങൾ നൽകുന്ന ഒരിടമാണ് ബാക്കു.

ബാക്കു ബൊളിവാർഡ്: ഇവിടെ ഗോണ്ടോള സവാരി ആസ്വദിക്കാം.

ബബ്ളിങ് മഡ് വോൾക്കാനോകൾ: തിളച്ചുപൊങ്ങുന്ന ചെളി കാണുന്നത് കുട്ടികൾക്ക് രസകരമാകും.

മ്യൂസിയം ഓഫ് മിനിയേച്ചർ ബുക്ക്സ്: ഏറ്റവും ചെറിയ പുസ്തകങ്ങളുടെ ശേഖരം ഇവിടെയുണ്ട്.

• ദുബൈയിൽ നിന്നുള്ള യാത്രാസമയം: ഏകദേശം 2 മണിക്കൂർ 55 മിനിറ്റ്.

ALSO READ: പരീക്ഷകൾ കഴിഞ്ഞയുടനെ വിദ്യാർത്ഥികളെ പോകാൻ അനുവദിക്കുക, മൂല്യനിർണയം വേഗത്തിൽ ആക്കുക; സ്‌കൂളുകൾക്ക് പുതിയ നിർദേശങ്ങളുമായി ഖത്തർ

ശ്രീലങ്ക

അമ്പലങ്ങളുടെയും പച്ചപ്പിൻ്റെയും നാടാണ് ശ്രീലങ്ക. കൊളംബോയിൽ പ്രശസ്ത ആർക്കിടെക്റ്റ് ജെഫ്രി ബാവയുടെ വീട്, ഡച്ചുകാർ നിർമ്മിച്ച കൊളംബോ ഫോർട്ട്, സിൻഹരാജ ഫോറസ്റ്റ് റിസർവിലെ ശുദ്ധവായു എന്നിവ ആസ്വദിക്കാം.

ഗ്ലാമ്പിംഗ് (Glamorous Camping): ദീർഘദൂര യാത്ര ചെയ്ത് കോട്ടവട്ട വില്ലേജിൽ എത്തിയാൽ ആഡംബരപരമായ ക്യാമ്പിംഗ് അനുഭവിക്കാം. 

• ദുബൈയിൽ നിന്നുള്ള യാത്രാസമയം: 4 മണിക്കൂർ 25 മിനിറ്റ്.

Looking for a spontaneous holiday escape? UAE residents and citizens can explore visa-free or visa-on-arrival options in several countries, making last-minute travel planning easier. Check out destinations offering hassle-free entry and make the most of your vacation time.