മസ്‌കത്ത്: ഒമാന്‍ പൗരത്വം (Omani Nationaltiy) ലഭിക്കുന്നതിനുള്ള അപേക്ഷാ ഫീസുകളും അനുബന്ധ നിബന്ധനകളും ആഭ്യന്തര മന്ത്രാലയം പുറപ്പെടുവിച്ചു. ആഭ്യന്തര മന്ത്രി സയ്യിദ് ഹമൂദ് ബിന്‍ ഫൈസല്‍ അല്‍ ബുസൈദി പുറപ്പെടുവിച്ച പുതിയ ഉത്തരവ് പ്രകാരം വിവിധ വിഭാഗങ്ങളിലുള്ളവര്‍ക്ക് വ്യത്യസ്തമായ ഫീസുകളാണ് നിശ്ചയിച്ചിരിക്കുന്നത്.

പ്രധാന ഫീസുകള്‍:

* നാച്ചുറലൈസേഷന്‍ വഴിയുള്ള പൗരത്വം: ഒമാന്‍ പൗരത്വത്തിന് നേരിട്ട് അപേക്ഷിക്കുന്നവര്‍ക്ക് 600 ഒമാനി റിയാല്‍ ആണ് ഫീസ്.
* ഒമാനി പൗരനെ വിവാഹം ചെയ്ത വിദേശ വനിതകള്‍: ഒമാനി പൗരനെ വിവാഹം ചെയ്ത വിദേശ വനിതകള്‍ക്കും, ഒമാനി പൗരന്റെ വിധവകള്‍ക്കും വിവാഹമോചിതര്‍ക്കും പൗരത്വത്തിന് അപേക്ഷിക്കാന്‍ 300 ഒമാനി റിയാല്‍ മതിയാകും.

അപേക്ഷാ നിബന്ധനകള്‍:

* ഭാഷാ പരിജ്ഞാനം: പൗരത്വത്തിനായി അപേക്ഷിക്കുന്നവര്‍ വകുപ്പ് നിശ്ചയിക്കുന്ന ഭാഷാ പരീക്ഷകളില്‍ (അറബിക് ഉള്‍പ്പെടെ) പങ്കെടുക്കണം.
* രേഖകള്‍: അപേക്ഷയോടൊപ്പം സമര്‍പ്പിക്കുന്ന എല്ലാ രേഖകളും അറബിക് ഭാഷയിലായിരിക്കണം.
* സ്വഭാവ സര്‍ട്ടിഫിക്കറ്റ്: അപേക്ഷകര്‍ സദ്‌സ്വഭാവമുള്ളവരായിരിക്കണം. കുറ്റകൃത്യങ്ങളില്‍ ഏര്‍പ്പെട്ടവരാകരുത്.

ഒമാനി പൗരനെ വിവാഹം ചെയ്ത വിദേശ വനിതകള്‍ക്ക്:

വിദേശ വനിതകള്‍ക്ക് ഒമാന്‍ പൗരത്വം ലഭിക്കാന്‍ താഴെ പറയുന്ന നിബന്ധനകള്‍ പാലിക്കണം:
* വിവാഹം ആഭ്യന്തര മന്ത്രാലയത്തിന്റെ മുന്‍കൂര്‍ അനുമതിയോടെ ആയിരിക്കണം.
* വിവാഹത്തിന് ശേഷം കുറഞ്ഞത് 10 വര്‍ഷമെങ്കിലും ഒമാനില്‍ ഭര്‍ത്താവിനോടൊപ്പം താമസിച്ചിരിക്കണം.
* ദമ്പതികള്‍ക്ക് ഒരു മകന്‍ എങ്കിലും ഉണ്ടായിരിക്കണം.

പൗരത്വം പുനഃസ്ഥാപിക്കല്‍ (Restoring Nationaltiy):

നേരത്തെ ഒമാന്‍ പൗരത്വം ഉപേക്ഷിച്ചവര്‍ക്ക് അത് പുനഃസ്ഥാപിക്കാന്‍ അപേക്ഷിക്കാം. എന്നാല്‍ ഇവര്‍ കുറഞ്ഞത് രണ്ട് വര്‍ഷമെങ്കിലും ഒമാനില്‍ സ്ഥിരതാമസമാക്കിയിരിക്കണം. കൂടാതെ മുന്‍പ് സ്വീകരിച്ച മറ്റൊരു രാജ്യത്തിന്റെ പൗരത്വം ഉപേക്ഷിച്ചതിന്റെ രേഖകളും ഹാജരാക്കണം.
പൗരത്വത്തിനായുള്ള അപേക്ഷകള്‍ ബന്ധപ്പെട്ട വകുപ്പുകള്‍ വിശദമായി പരിശോധിച്ച ശേഷമായിരിക്കും തീരുമാനമെടുക്കുക.

ALSO READ: 1996ലെ ചാര്‍ഖി ദാദ്രി വിമാനാപകടത്തോടെ ആകാശയാത്ര പേടിയായി; ഇതോടെ 25 വര്‍ഷം ബഹ്‌റൈനില്‍ തന്നെ കഴിഞ്ഞു; ഒടുവില്‍ വി.വി ആശ നാടണഞ്ഞു; അറിഞ്ഞിരിക്കാം 'എയറോഫോബിയ'

Summary: The Minister of Interior, Sayyid Hamoud bin Faisal Busaidi, issued Ministerial Decision No. 92/2014, detailing the Executive Regulations of the Omani Nationality Law. A fee of RO 600 has been fixed for an application to obtain Omani nationality (through naturalisation) and RO 300 for an application by a foreign woman married to an Omani, or the widow/divorcee of an Omani.