ന്യൂഡല്‍ഹി: ലോക്‌സഭയില്‍ ഭരണ-പ്രതിപക്ഷ വാഗ്വാദം.കരസേന മുന്‍ മേധാവി ജനറല്‍ മനോജ് മുകുന്ദ് നരവന എഴുതിയ ഓര്‍മക്കുറിപ്പ്  പ്രതിപക്ഷ നേതാവ് രാഹുല്‍ ഗാന്ധി സഭയില്‍ വായിക്കവെയാണ് ബഹളമുണ്ടായത്. രാഹുല്‍ ഇത് വായിക്കവെ പ്രതിരോധമന്ത്രി രാജ്‌നാഥ് സിങ് ഇടപെട്ടു. ഇവര്‍ തമ്മില്‍ തര്‍ക്കം തുടരുന്നതിനിടെ രാഹുലിനെതിരെ ആഭ്യന്തരമന്ത്രി അമിത് ഷായും രംഗത്തെത്തി. 

ലോക്സഭയില്‍ നന്ദിപ്രമേയചര്‍ച്ചയ്ക്കിടെ കോണ്‍ഗ്രസിന്റെ രാജ്യസ്നേഹത്തെ തേജസ്വി സൂര്യ ചോദ്യം ചെയ്തതോടെയാണ് പ്രതിപക്ഷ നേതാവ് രാഹുല്‍ ഗാന്ധി തിരിച്ചടിച്ചത്. പുറത്തിറങ്ങാത്ത പുസ്തകം സഭയില്‍ വായിക്കാനാവില്ലെന്ന് സ്പീക്കര്‍ ഓം ബിര്‍ള രാഹുലിനെ അറിയിച്ചു. എന്നാല്‍ പുസ്തകം ഇറക്കാന്‍ നരവനയെ സര്‍ക്കാര്‍ അനുവദിച്ചില്ലെന്ന് രാഹുല്‍ ആരോപിച്ചു. 

ALSO READ: 'എന്റെ പേര് മുഹമ്മദ് ദീപക്'  കൊലവിളി മുഴക്കിയെത്തിയ ബജ്‌റംഗ് ദള്‍ പ്രവര്‍ത്തകര്‍ക്കെതിരെ ഉറച്ച ശബ്ദമായ യുവാവിന് പിന്തുണയുമായി സോഷ്യല്‍ മീഡിയ ; വേട്ടയാടി ഹിന്ദുത്വര്‍, കൂടെ പൊലിസും

ദോക്ലാം വിഷയവും ചൈന ഇന്ത്യന്‍ ഭൂമി കൈയ്യേറി എന്നതടക്കമുള്ള വിമര്‍ശനങ്ങളാണ് രാഹുല്‍ ഉന്നയിച്ചത്.  സര്‍ക്കാരിനെതിരായ തന്റെ വിമര്‍ശനങ്ങള്‍ക്ക് അടിവരയിടുന്നതാണ് തന്റെ കൈയ്യിലിരിക്കുന്ന ഒരു മാസികയില്‍ അച്ചടിച്ച പേജുകളിലുള്ളതെന്ന് അദ്ദേഹം പറഞ്ഞു. 

എന്നാല്‍ മാസികകള്‍ക്ക് എന്തും പ്രസിദ്ധീകരിക്കാമെന്നും ഇത്തരം പരാമര്‍ശങ്ങള്‍ പാര്‍ലമെന്ററി നടപടികളുടെ ഭാഗമാകരുതെന്നും ഷാ വാദിച്ചു. അതേസമയം, രാഹുലിനെ സംസാരിക്കാന്‍ അനുവദിക്കണമെന്ന് ആവശ്യപ്പെട്ട് പ്രതിപക്ഷ നിരയിലെ എം.പിമാരും ബഹളം വെച്ചു. ബഹളത്തെ തുടര്‍ന്ന് ലോക്‌സഭ നാല് മണിവരെ നിര്‍ത്തിവെച്ചു. 

The Lok Sabha witnessed heated exchanges between the government and the Opposition after Leader of the Opposition Rahul Gandhi referred to the memoir of former Army Chief General Manoj Mukund Naravane, alleging that China had occupied Indian territory.