റിയാദ്: സഊദി വ്യവസായ-ധാതു വിഭവ മന്ത്രാലയത്തിലെ വൈസ് മിനിസ്റ്റർ ഖലീൽ ബിൻ ഇബ്രാഹിം ബിൻ സലാമ കിഴക്കൻ പ്രവിശ്യയിലെ വിവിധ വ്യവസായ നഗരങ്ങളിൽ സന്ദർശനം നടത്തി. രാജ്യത്തെ വ്യവസായ വികസനം എത്രത്തോളമെത്തിയെന്നത് നേരിൽ കാണാൻ കൂടിയായിരുന്നു സന്ദർശനം. വ്യവസായ മേഖലകൾക്ക്  രാജ്യം നൽകുന്ന പിന്തുണയുടെ ഭാ​ഗമായാണ് മന്ത്രിയുടെ ഔദ്യോ​ഗിക സന്ദർശനം.

ALSO READ: ബുർക്കിനാ ഫാസോയിൽ കെ.എസ്.റിലീഫിന്റെ ഭക്ഷ്യസഹായം; 1,479 കുടുംബങ്ങളിലായി 8,874 ജനങ്ങൾക്ക് ആശ്വാസം

വ്യവസായ നഗരങ്ങളിലെ അടിസ്ഥാന സൗകര്യങ്ങൾ, അവ എങ്ങനെയൊക്കെ സജ്ജീകരിച്ചിരിക്കുന്നു തുടങ്ങിയ കാര്യങ്ങൾ അ​ദ്ദേഹം നേരിട്ട് കണ്ട് മനസ്സിലാക്കി. വിവിധ വ്യവസായ ശാലകളിലെ ഉൽപാദന രീതികളും പ്രവർത്തനങ്ങളും പരിശോധിച്ചു. ഓരോ കമ്പനികളുടേയും ഭാവി പ്ലാനുകളെക്കുറിച്ചും വിപുലീകരണത്തെക്കുറിച്ചും ചർച്ചകൾ നടത്തി. വ്യവസായ മേഖലകളിലെ പുത്തൻ സാങ്കേതിക വിദ്യകളെക്കുറിച്ചും അവയുടെ പ്രവർത്തന രീതികളെക്കുറിച്ചും ഭാവിയിലേക്ക് ആവശ്യമായ സംവിധാനങ്ങളെക്കുറിച്ചും അദ്ദേഹം സസൂക്ഷ്മം നിരീക്ഷിച്ചു.

Saudi Vice Minister of Industry Khalil bin Ibrahim bin Salamah visited industrial cities in the Eastern Province to review infrastructure, production lines, and the adoption of advanced manufacturing technologies.