ജയ്പൂര്‍: മലിനീകരണ നിയന്ത്രണ സര്‍ട്ടിഫിക്കറ്റ്( പൊലൂഷന്‍ അണ്ടര്‍ കണ്‍ട്രോള്‍) ഹാജരാക്കാത്തതിന് ഇലക്ട്രിക് കാറിന് ഫൈനിട്ട് പൊലസ്. രാജസ്ഥാനിലെ നഗൗറിലാണ് സംഭവം. എ.എസ്.ഐയും കാര്‍ ഉടമയും തമ്മിലുള്ള വാഗ്വാദങ്ങളുടെ ദൃശ്യങ്ങള്‍ സമൂഹമാധ്യമങ്ങളില്‍ വൈറലാണ്. തര്‍ക്കത്തിന് പിന്നാലെയാണ് ഇ.വി വാഹന ഉടമയ്ക്ക് 1500 രൂപ പിഴ ചുമത്തുകയായിരുന്നു. 

കാറില്‍ വിന്‍ഡ് ഷീല്‍ഡ് ഷേഡുകള്‍ ഉപയോഗിച്ചതിന്റെ പേരിലാണ്  പൊലിസ് വാഹനം തടഞ്ഞത്. പിന്നീട് പൊലിസും വാഹനഉടമയും തമ്മില്‍ തര്‍ക്കമുണ്ടായി. ഇതോടെ വിന്‍ഡ് ഷീല്‍ഡ് ഉപയോഗിച്ചതിന് 200 രൂപ പിഴ ചുമത്തി. ഇതിന് പിന്നാലെയാണ് പുക സര്‍ട്ടിഫിക്കറ്റ് ഇല്ലെന്ന പേരില്‍ 15000 രൂപ കൂടി പിഴ നല്‍കണമെന്ന് ആവശ്യപ്പെട്ടത്. ഇലക്ട്രിക് വാഹനങ്ങള്‍ക്ക് പുക സര്‍ട്ടിഫിക്കറ്റ് ആവശ്യമില്ലെന്ന് വാഹനഉടമ വാദിച്ചെങ്കിലും പൊലിസ് അത് സമ്മതിച്ചില്ല. 

അതേസമയം, തര്‍ക്കത്തിനു പിന്നാലെ ചലാന്‍ തെറ്റായി നല്‍കുകയായിരുന്നുവെന്ന് പൊലിസ് പ്രതികരിച്ചു. സംഭവത്തെ കുറിച്ച് അന്വേഷിക്കുന്നുണ്ടെന്നും തെറ്റായി നല്‍കിയ പിഴ ഒഴിവാക്കുമെന്നും പൊലിസ് അറിയിച്ചു. 

ഇലക്ട്രിക് കാറുകള്‍ക്ക് പുക സര്‍ട്ടിഫിക്കറ്റ് ആവശ്യമുണ്ടോ?

വായുമലിനീകരണത്തിന്റെ പേരില്‍ ഇവികള്‍ക്ക് പിഴ ചുമത്താനാകില്ല. ഇലക്ട്രിക് വാഹനങ്ങള്‍ക്ക് പുക പുറന്തള്ളാനില്ലാത്തതിനാല്‍ വായുമലിനീകരണത്തിന് സാധ്യതയില്ല. കേന്ദ്ര ഗതാഗത മന്ത്രാലയത്തിന്റെ നിയമപ്രകാരം ഇലക്ട്രിക് വാഹനങ്ങള്‍ക്ക് പുക പരിശോധനസര്‍ട്ടിഫിക്കറ്റ് നല്‍കുന്നില്ല. അതിനാല്‍ പുക സര്‍ട്ടിഫിക്കറ്റ് ഹാജരാക്കാത്തതിനാല്‍ ശിക്ഷാനടപടികള്‍ സ്വീകരിക്കാനാവില്ല. എന്നാല്‍ പെട്രോള്‍, ഡീസല്‍, സി.എന്‍.ഡി തുടങ്ങി ഇന്റേണല്‍ കംപല്‍ഷന്‍ എന്‍ജിന്‍ ഉള്ള വാഹനങ്ങള്‍ക്ക് പുക പരിശോധന സര്‍ട്ടിഫിക്കറ്റ് നിര്‍ബന്ധമാണ്. 

In a surprising incident, Rajasthan Police fined an electric car owner for not having a pollution certificate, issuing a challan of ₹1500. The move has sparked widespread debate, as electric vehicles typically do not require such certification.