കൊല്ലം; ശബരിമല സ്വര്‍ണക്കൊള്ളക്കേസില്‍ തന്ത്രിയും പുറത്തേക്ക്. തന്ത്രി കണ്ഠരര് രാജീവര്‍ക്ക് ജാമ്യം അനുവദിച്ച് കൊല്ലം വിജിലന്‍സ് കോടതി. അദ്ദേഹത്തിനെതിരായ രണ്ട് കേസിലും ജാമ്യം ലഭിച്ചു. 

ശബരിമലയിലെ കട്ടിളപാളിയിലെയും ദ്വാരപാലല ശില്പങ്ങളിലെയും സ്വര്‍ണ്ണം കവര്‍ച്ച ചെയ്യപ്പെട്ട കേസുകളിലാണ് തന്ത്രി പ്രതിയാക്കപ്പെട്ടത്. ഉണ്ണികൃഷ്ണന്‍ പോറ്റിക്ക് തന്ത്രിയുമായുള്ള ബന്ധം സ്വര്‍ണക്കൊള്ളയിലേക്ക് നയിച്ചുവെന്നാണ് എസ്‌ഐടിയുടെ കണ്ടെത്തല്‍. എന്നാല്‍ ആചാരപരമായ കാര്യങ്ങളില്‍ മാത്രമാണ് താന്ത്രിക്ക് ബന്ധമുള്ളൂവെന്നും ഭരണപരമായ കാര്യങ്ങളില്‍ ഇടപെടാന്‍ സാധിക്കില്ലെന്നും കണ്ഠരര് രാജീവര് കോടതിയില്‍ വ്യക്തമാക്കി. 

ALSO READ: പ്രസവ ശസ്ത്രക്രിയയ്ക്കിടെ കുഞ്ഞ് മരിച്ച സംഭവത്തില്‍ പ്രതിഷേധം ശക്തം; ഡോ.ബിന്ദു നിര്‍ബന്ധിത അവധിയിലേക്ക്

തന്ത്രിയുടെയും കുടുംബത്തിന്റെയും സാമ്പത്തിക ഇടപാടുകളെ സംബന്ധിച്ചുള്ള നിര്‍ണായക വിവരങ്ങള്‍ പ്രത്യേക അന്വേഷണസംഘം കോടതിയില്‍ ഹാജരാക്കിയിരുന്നു. തന്ത്രിയുടെ പേരില്‍ 2 കോടി 5 ലക്ഷം രൂപയും തന്ത്രിയുടെ ഭാര്യയുടെ പേരില്‍ 62 ലക്ഷം രൂപയും സ്വകാര്യ ധനകാര്യ സ്ഥാപനത്തില്‍ നിക്ഷേപം ഉണ്ടെന്ന് അന്വേഷണസംഘം കോടതിയെ അറിയിച്ചിട്ടുണ്ട്. 

കേസിലെ മുഖ്യപ്രതിയായ ഉണ്ണികൃഷ്ണന്‍ പോറ്റിയുമായി തന്ത്രിക്ക് അടുത്ത ബന്ധം ഉണ്ടെന്നും അതുകൊണ്ട് ഈ ഘട്ടത്തില്‍ ജാമ്യം നല്‍കരുതെന്നും പ്രോസിക്യൂഷന്‍ ആവശ്യപ്പെട്ടിട്ടുണ്ട്. ദേവസ്വം ബോര്‍ഡില്‍ നിന്നും തന്ത്രി ഏഴര ലക്ഷം രൂപ കൈപ്പറ്റിയതായും എസ്‌ഐടി കോടതിയില്‍ വ്യക്തമാക്കിയിരുന്നു.

in the sabarimala gold misappropriation case, thantri kandararu rajeevar has been granted bail by the kollam vigilance court, marking a significant development in the high-profile temple controversy.